كبار السن غالباً يحبون القصص القديمة ابحثى عن قصة و قصيدة و بكل مره سولفي بها له

أهلاً بك أخي الفاضل ،أشكر عودتك مجدّداً.

هو ياشاطئ يحب العزلة ونادر جداً مايخرج ، الحرم من فترة طويلة جداً ماراح يكره التجمّعات والزحمة.

آمين ومن قال يارب، دمت بخير.

أهلاً انتظار..

اقتراح جميل ، ممتنة لك غاليتي.

يمكن طبعة كذا يحب العزلة
اهم شي اجلسي معة العصرية والمغرب
وسوي قهوة وخلية يعطيك من سوالف الماضي
وخلية يعبر عن الي بخاطرة وغيري مكان جلستة
مابين فترة وفترة اقلها لو تطلعون مجمع يشوف الناس
مرة بالاسبوع
الله يرزقك برة ولايخيب تعبك معة
موفقة يارب

__________________
سبحان الله وبحمده سبحان الله العظيم

شكراً أخي الفاضل( شاطئ )على اهتمامك بالموضوع.

ماقصّرت الله يجزاك خير ، سآخذ بماذكرته انت والاخوة
.
أسعدك الله.

الله يخليه لكم ويطول بعمره ويرحم والدي واموات المسلمين ...

عزيزتي هذا الموضوع فعلاً يحتاج منا أن نبحث فيه .. كبار السن أكثر شي يجذبهم للحديث عنه هو الماضي . انتي افتحي الموضوع بس وخليه يسهب وممكن كل مره يطلع معك بسالفة ما قد سمعتيها ...

بقولك عن تجربتي مع والدي الله يغفر له .. هو انطوائي ايضا وما يحب يطلع ويروح ويرجع .. واصدقاءه اللي هم ثلاثة او اربعة اللي يرتاح معهم مو معه بنفس المنطقة ..

كنت بأحيان كثير أفتح له مقاطع من اليوتيوب واعرضها ع التلفزيون عن الماضي وهو بما انه كان محب للسياسة اعرض له ايضاً برامج ومقاطع وثائقية سياسية .. وطبعاً كنت اتابعها معه وأسأله أخليه هو يشرح لي وكأني ما أعرف بس من باب إني (ما زلت أحتاجك انك تعلمني) .. وهذي نقطة مهمة جداً الوالدين لما يكبرون ما يبون يحسون ان عيالهم مستغنيين عنهم ومو بحاجه لهم ولنصايحهم وتعليمهم حتى لو اظهرولنا العكس مثل قولهم (انتهى دورنا .. انتوا مسؤولين عن انفسكم .. الخ) ..

ايضا عندنا ارض كبيرة فاضية بجنب البيت مسويها مثل الاستراحة هو صممها مثل ما يحب، فتح باب من البيت عليها وقسمها جزء منه بيت شعر وجزء ملعب كرة قدم وجزء العاب اطفال وجزء حيوانات أليفة صغيرة (عصافير، ارانب، بط.) وكان عنده قطوة يلعب معها كأنها طفل صغير .. وأغلب المكان فيه زرع .. فكان هو يستمتع بسقي الزرع يوميا ويجلس ببيت الشعر ويتابع الحيوانات، والملاعب هذي لاخواني والاحفاد لما يجون عنده .. منها انها يتحرك ومنها انه يغير جو بدون ما يضطر انه يطلع برا البيت ..

هذا غير اخواني اللي يوميا عنده بعد صلاة العشاء لمدة ساعه تقريبا واحيانا يكون معهم عيالهم .. وجمعتنا العائلية الاسبوعية بنات وازواجهم واولاد وزوجاتهم واحفاد وحفيدات من الظهر الى الليل..

بكذا كان اغلب جدوله ممتلئ وما تجي الساعة ١١ الا وطاقته منتهية وما يبي الا يحط راسه وينام ..

الله يعيننا على برهم ورضاهم أحياء وأموات ويرضى عليهم ويجمعنا واياهم بفردوسه الاعلى يا رب العالمين..

رَحِمَ الله والدك "خيال " وجمعك به المولى في الفردوس الأعلى من الجنّة.

هذا الموضوع لم يَنَلْ حقّه من البحث وأرجو أن يكون لهذه الفئة اهتمام أكبر..

شكراً "خيال " من القلب ، استفدتُ فعليّاً مما كتبتيه ، الله يجعله في ميزان حسناتك غاليتي.

كنت بكتب عن اليوتيوب ووجدت الاخت سبقتني
لانه ما يحتاج يكون قاريء عشان يقلب فيه ويلاقي مواضيع .. يقدر مز شكل الصورة الاولى باليوتيوب يحدد اذا بيفتحه او لا
خاصة لو حطيتي له عدة يوتيوبات كمواضيع مفضلة تطلع له خياراتها اول ما يدخل اليوتيوب .
وعجبتني فكرتها ان تجلسي معاه بالبداية الى ان يتعود عليه وبتلاقيه ادمنه

__________________

شكراً خالة بيتا كلامك وكلام الأخت خيال في محلّه سأعمل به ان شاء الله.

الله يحفظك ياخالة ويسعدك ويخليلك أحبابك .