المشاركة الأصلية كتبت بواسطة ام مريمي

ياعزيزتي .. هنا رجل وابدى لك رأييه من منظوره كرجل ! ( الاخ الرسمي ) ..

طنشي ، اتركي له المجال عشان يزعل ويتضايق وبعدها يصالح نفسه وتتصالحوا بعدها ، لاتشغلي فكرك بافعاله وردات افعاله مع اقترابك او محاوله تحسين الامور ... كل الابواب حاليا راح يسكرها بوجهك لان زوجم من النوع اللي يبغي مساااحة ( يزعل ، يهدأ ، يتصالح ، يعيد ترتيب اموره وتفكيره ) ، يحتاجك تكوني على الصامت وتنفذي كل مايطلب منك بدون ( بس) بدون القاء ملاحظة وبدون ضغط ( بالرسائل تارة ، وبالافعال والاقوال تارة اخرى ) ..

كذا مرة يحصل بينكم خلاف و تفعلي ماتفعلي من امور وينشغل بالك ويومك ويزيد تفكيرك وتعلقك بطريقة الحل وبكون الحل بالاسااااس مو منك بل من زوجك ( يبتعد ، ياخذ له مساحته الشخصية ، يعيد البرمجة ، يرجع يهدأ ويتصالح) ..

حاليا انتظري لبكرة وترجعي البيت وكوني على الصامت ، اتركيه كما يحب ، اذا كلمك او طلب امر نفذيه وانتهى بدون ملاحظة ، خليه ينام براحته ولاتنزعجي منه ، بيني له ان انتي بعد لك عالمك الخاص حاليا .. يعني انشغلي بنفسك ، ابدا لا تبيني له انك منشغله بصديقاتك او اهلك ! بل بهواياتك مثلا قراءة قصة مشوقة واندمجي معاها عشان تنسين خلافكم شوي ، مجلة ؟ مثلا مجلة ماجد ( 😂انا من العاشقين لها) ، الرسم ؟ ، التلوين حتى ! ،الخياطة ... اي هواية تقضين فيها وقت الفراغ اللي تتمللين فيه ..

زوجك قاعد يزيد عليه ضغط ( موضوع الانجاب ) وان ما كنتي تحسي فلربما من اهله من يسأل ويستفسر عن السبب وهو ايضا يشوف زملاءه اصدقاءه عندهم ابناءهم او فلان جابوا له طفل وتتم المناقشة امامه وهكذا .. فهو يحط كل هذا فيج ( من غير عمد طبعا) لانك الوحيده اللي راح تتحمليه ، فصار يسوي من الحبة دبه لو شي بسيط ومايتحمل اي فعل منك يضايقه بالاضافة الى تجاربه السابقة معاك ..

المشاركة الأصلية كتبت بواسطة لست كغيري*

يعني سبحان الله هو يتأثر بموضوع الانجاب ويطلع حرته فيني!! وأنا طيب من اللي يراعي وضعي ويحتويني واطلع حرتي في مين وأنا اللي أكبر الضغط علي خاصة أنه يقول ترى زيادة وزنك هي اللي مانعة حملك ..

المشاركة الأصلية كتبت بواسطة الوفاء11

ليه ماتحاولين تنزلين وزنك عشان صحتك وعشان الإنجاب ، عندك زياده كبيره ؟ والا عاديه ؟

المشاركة الأصلية كتبت بواسطة Deem.fh

احبه انا اقولها لك عن تجربة قدامي بنت خالتي كانت سمينة سمنه مفرطة وكل ما تحاول تحمل لكن وزنها يمنع جلست 7 سنوات تحاول

بالاخير قالها الطبيب لازم تنزلين وزنك عشان تحملين و بالفعل اجرت عملية تكميم وزنها بدا بالتناقص لحتى وصلت للوزن المثالي بسنه كامله و بعدها بحول الله و قوته ثم ارادتها حملت و جابت ولد ماشاء الله

اذا عالجتو مشكله الإنجاب بتنحل مشاكلكم ان شاء الله

المشاركة الأصلية كتبت بواسطة لست كغيري*

هذا أنا قاعدة أنزل وزني .. نزلت في شهر ونص5كيلو

زيادة كبيرة.. وأنا عارفة إنه من حقه علي أنزل وزني .. وعارفة إن زيادة الوزن سبب كبير في المشاكل اللي بيننا لانه بصراحة مسببة لي فقدان ثقة في نفسي كبير .. بس ناوية بعون الله أشد أكثر على نفسي وأنحف أكثر وبعون الله خلال3أو4شهور يكون قطعت شوط كبير في إنزال الوزن .. لأني متفقة مع زوجي أسوي حقن مجهري على شهر11هجري بعون الله بس قبلها لازم أنحف عشان يكون نسبة نجاح العملية كبيرة..