شو مفهوم تكسير الراس من وجهة نظرج؟


تكسير الراس مب إنه يستمر في سوالفه .. وما دام بعده يداري ويحتوي ويلبي فما أحس إنه راسي مكسور.


والانفصال عشان راحتي فقط .. ومب متأذية منه .. وكنت ناوية أستمر فيه بغض النطر عن سالفة الزوجة الثالثة.

يعني هالسالفة مب دافع لاستمرار الانفصال .. لأني كنت ناوية أستمر في كل الأحوال.

أنا بس فكرت أشيل المخدة اللي بيني وبينه .. لكن ما فكرت أنهي الانفصال العاطفي.

__________________


اللهم طِيبَ الأثر .. وحُسْنَ الرحيل.

مهرة سألتك أنا أولاً شو مفهوم تكسير الراس، فليش حولتيه علي؟!
ما زلت أنتظر
هو يداري ويطبطب ما يبي بيته يخترب ولأن ما طلع منك تصرف قوي إلى الآن
مرة بس ما عطاك مصروف ( أو شي من هالقبيل ) لأنك وقفتي قدامه بقوة في أمر ( تدرين مهرة ذاكرتي لا تحتفظ بالتفاصيل) هذي تعتبر تكسير راس وردة فعل قوية
وشيلة المخدة يعني قمة الهرم في التواصل العاطفي عند المرأة وهو " الجنس " مسموح به معناته ماهو أقل من ذلك مسموح به

مهورة:- استميحك آخر رد لي تعرفين مالي بكثرة الجدل.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

تكسير الراس إنه يستنذل ويقل أدبه ويتطاول علي ويقول لي اشربي من البحر واضربي راسج في الجدار.

صح مرة قال لي: إذا مب عاجبج روحي لأهلج .. لكنها كانت مجرد كلمة .. ولما بغيت أطلع فعلاً مسكني وما خلاني.

تكسير الراس إنه يطلقني مثلاً .. أو على الأقل يستغل أوقات الزعل والانفصال ويبعد هو بعد .. يطلع ويطوّل مثلاً .. يزيد المبيت مثلاً .... لكن الحاصل إنه يتم في البيت.


ما حصل إنه أخّر مصروفي .. وطول عمره يعطيني إياه من نفسه بدون ما أطلب حتى في أوقات الزعل.

اللي حصل إنه مرة رجع دوامه بدون ما يترك لي فلوس الجمعية ودروس سلطان .. وهالمبالغ أقدر أغطيها من مصروفي .. ولما رجع من الدوام ردهم لي .. مثل أي مبالغ إضافية أدفعها من مصروفي وهو في الدوام.

أما إنه يعاقبني أو يستغل كونه هو مصدر دخلي .. فأنا قلت إنها هواجس تدور في ذهني .. لكن أبداً ما حصل موقف فعلي سلبي من زوجي بخصوص مصروفي أو أي طلب طلبته منه.



بخصوص المخدة .. والله ما خطر على بالي إنها بتكون ضوء أخضر ولا كانت هذي نيتي .. وزين إنج نبهتيني.

وعلى كل حال .. هو كان مجرد خاطر وتراجعت عنه .. والمخدة لا تزال مكانها.

__________________


اللهم طِيبَ الأثر .. وحُسْنَ الرحيل.