في عَرَض يحصل معاي صار له فترة .. وأمس قررت أروح المستشفى أعمل فحص عشان أعرف سبب اللي يصير لي .. واتصلت وخذت موعد لليوم.


بعثت له اليوم الصبح أطلب منه ييب شما من الحضانة لما تخلص لأني بروح المستشفى وما أعرف متى باخلص. (الدكتورة أحياناً تكون مزحومة ومرات زمان كنت أنتظر ما بين ساعة ونص وساعتين لين أدخل عندها)

بعث لي: ليش المستشفى؟

قلت: ما في شي مهم.

قال: ما سألتج مهم وإلا مب مهم .. سألت ليش المستشفى؟

قلت: ما أعرف شو فيني .. باسوي فحص وبعدين باعرف.

سألني أي مستشفى بروح .. وقلت له.

قال: إن شاء الله خير .. خبريني شو بيصير وياج .. أنا باييب شما وعقب باروح بوظبي. (عادة لما يروح يكون عنده شغل في المكتب الرئيسي لعمله)



قدّر الله إني أخلص بسرعة قبل موعد خروج شما من الحضانة .. فبعثت له إني باروح أييبها .. وهو راح بوظبي.

اتصل .. ورديت. (الحين مبتعثة بتقول ما صدقتي اتصل ورديتي )

سألني شو اللي فيني .. ووين مكان العوق .. وليش ما تكلمت من قبل عشان يوديني المستشفى؟ .. وأنا اختصرت الكلام واكتفيت بإني رحت في النهاية لما شفت الموضوع تكرر كثير.

سألني الدكتورة شو قالت؟ .. قلت له إنها حولتني لقسم الأشعة عشان آخذ صورة .. وعقب بارجع لها لما النتيجة تطلع.

واللي حصل إني لما رحت قسم الأشعة كان زحمة وكان لازم انتظر ما لا يقل عن ساعة ونص .. فعملت موعد ثاني بكرة لعمل الصورة.



العصر بعث لي يسألني: متى موعدج باجر؟

قلت: الساعة 2

قال: بروح معاج.

قلت: لا .. شكراً.

قال: ليش؟

قلت: ما يحتاي.

قال: أنا أبغي.

قلت: أبغي أروح بروحي.


وانتهى الحوار.

__________________


اللهم طِيبَ الأثر .. وحُسْنَ الرحيل.

اتضح لي إنه يموت على التراب إلي تمشين عليه مو بس يحبك
الله يهنيك بحبه 💜
أم سلطان الف سلامة عليك والله يبعد عنك كل شر ويحفظك لسلطان واخواته
🌹🌹🌹🌹🌹🌹

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

يعني لانه قال بجي معك صار "يموت على التراب اللي تمشي عليه" ؟
اجل المعذره على التحليل التالي: ((سهل الوصول الى قلوبكن ))

لكن على كل حال، الله يسهل عليك اختي صاحبة الموضوع مهره.

اول رد لي

هالنوعية اللي تقول هن من يستطعن التعايش مع ازواجهن عند الزواج عليهن
( قلوبهن تهفهف مثل قلوب امهاتنا )

والنوعية الثانية
خلاص اللي انكسر من قلوبهن مايصلحه الزمن
القلب اذا انكسر خلااااااص

اللي ما يودك ولا يحبك مايسئل عن صحتك أو مرضك بلعكس وده اليوم اللي يمرض فيه عشان ينفك منه ومن همه
شكل باقي عمرك صغير وناقص تجارب
الله يصلح حال الجميع ويوفقهم إلى ما يحب ويرضى

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

ماكان ودي ارد عليك، لكن شفت انك حكمتي عليا رغم انه انتي مافهمتي مقصدي!!
أنا لما اقول سهل الوصول الى قلوبكن، الكلام طبعا مو صحيح تختلف الاستجابه من بنت لبنت.
لكن اللي انتي مافهمتيه و انا أقصده، انه اساسا هذا من أبسط حقووقها كزوجه!!!
واجل انا مخلي وحده على ذمتي وبالاخير ما اسئل عنها؟
الجااار اسأل عنه، ولا اسأل عن من هم في ذمتي وانا مسؤول عنهم يوم القيامه؟

فقط مستغرب من ردك ف بداية الموضوع عشان كذا علقت عليه قبل، فقط لا اكثر ولا اقل عمت صباحا

الله يسلمج من الشر يا عيوشة.

__________________


اللهم طِيبَ الأثر .. وحُسْنَ الرحيل.