أنا وزوجي اختلفنا علئ المادة وصارت بيننا حروب،،لكن بعد ماحليناها بيننا ارتحت من المشاكل،،واللي ريحني وخلاّني أثق بزوجي ثقة عمياء ماكان يبخل علي وعلى البيت بأي شي،،حتى في المناسبات والأعياد أذكر كان يحرص أنا وأولاده نلبس الحلو والجديد..وهو ضعيف كثير يلبس من الموجود،،عشان يوفّر،،
ويقول أهم شي إنتو،،
عشنا مع بعض ع الحلوة والمرة وكبروا الأولاد وزوجناهم،،كل الأمور بيننا ولله الحمد والشكر تمام ومن أحسن مايكون،،
نظيفة ومهتمة بنفسي وببيتي قايمة بكل شي ومن أفضل مايكون،،والكامل وجه الله وحده،،حتى لما يشوفونا الناس مع عيالي وحريمهم مايصنفوني غير أخت أكبر منهم، ولاحد يعطيني سنّي،،
طيب ايش نقصه زوجي وعنده هذه النعم،،بس تجربة وخلاص؟هو بهالعُمر والعقل وش باقي يجرب؟

حبيته بصدق وإخلاص،،واللي يحب مايقدر يكره،،
خليته الأول في كل شي والقمة،،
لو اتزوج واحنا بأول عمرنا كان أفضل،،
لكن زواجه الآن وممن اعتبرتها صديقتي،،خذلني..

لكن أحبه،،وله ذكريات بقلبي تؤلمني،،
اللهم نسياناً يُنسيني مالا يُنسى..