لاني يا اشراقه تعبت وانا اسمعه يقول اخبج وانتي حبيبتي واهله واهلي والكل يقول هو يحبج وميت فيج وانا مب شايفه اي خاجه من الي يسويه وياي تدل على انه يخبني
يعني اقول لنفسي هو تزوجها في البدايه عشان مشاكلي وياه بالعلاقه ولكن لما بديت اعطيه وحاولت اتغير هو بالعكس تم على نفس اسلوبه بس شاطر يتزوج واسلوبه وياي ما تغير اذا اسمحلي بحاجات مانعها عني قبل مثل موبايل او زيارات ولكن مجرد ما يزعل او تصير من بينا مشكله يمنعني منها
لما طلق حرمته الثانيه وكانت علاقتي وياه زينه والله ما تم كم اسبوع الا وتزوج الثالثه حسيته قتلني يعني ما مدى علاقتنا تتعدل وسكت
وانا بالمستشفى تعبانه وضغطي مرتفع لما كنت بربي بولدي نهيان هو بهالوقت تذكر يرجع طليقته الثانيه يعني انا وين وهو يفكر بشو والله كرهته وعرفت انه هو يحب نفسه وبس
عشان جيه صرت اشك شنو هالحب الي هو وهم يرمسون عنه