هلا عيوشة..

الحمدلله أنا بخير ونعمة.

وبناتي بخير .. يناقزن حواليني ربي يصلحهن.


بدعة يديدة صايرة .. لما أدخّلهن غرفتهن وقت النوم يتهاوشن .. كل وحدة تباني أقرا عليها الأول.

ولما أقرا على شما الأول وعقب أقوم أقرا على مهرة وأخلص .. تعترض حضرة مهرة: والله إنتي قريتي على شما أكثر مني (طيب كيف أكثر وهي نفس السور ونفس الدعاء؟!!!! )


مع إني من فترة أقول لمهرة: خلاص إنتي الحين كبيرة وشاطرة وحافظة المعوذات .. اقري على نفسج مثل سلطان ..... لكن الغيرة وما أدراكم ما الغيرة .. كيف أقرا على شما وهي لا؟!

__________________


اللهم طِيبَ الأثر .. وحُسْنَ الرحيل.

ههههههههههه
ما شاء الله الله يحفظهم لك فديتهم مثل عيالي بس مناقزة ومكركبه لي الدنيا ابو سنه الا اسبوعيين تعلم المشى هذا الاسبوع وشوفيه مغلقه البيبان كلها عشانه عذبني
بس اطارد له
والثاني الحمدلله على كل حال بس متعب
بس البنات ياحليلهم والله انهم عسل احب البنات
💜💛💚💜💛💚💜💛💚💜💛💚💚

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

أخاف أقول لج أنا شو كنت أسوي فيهم وهم صغار تييج صدمة.

__________________


اللهم طِيبَ الأثر .. وحُسْنَ الرحيل.

قولي فديتك ابغى استفيد 😊
احسهم جوني على كبر وما عاد عندي طاقة لهم😧
جلست على ابني الرابع 12 سنه وجوني هذولي الاثنين يعني قد نسيت كل شئ عن الاطفال

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

كنت أربطهم

هذه حركة تعلمتها من أمي (أم زوجي) .. كنت أطبقها مع الطفل كثير الحركة تحت عمر السنتين .. سلطان ومهرة كانوا تحت السيطرة نوعاً ما فما اضطريت أعمل هالحركة معاهم كثير .. لكن شما كانت متعبة فعلاً وما تقعد في مكان واحد .. ومريت بفترة ـ من أقل من سنتين ـ ما كان عندي فيها خدامة .. وما كنت أقدر أقابلها وأقابل شغل البيت .. فكنت آخذ شيلة الصلاة وأربط طرفها في ريلها .. والطرف الآخر أربطه في السرير مثلاً أو الكرسي إذا كان فيه وزن وما تقدر تحركه .. وأخليها مع ألعابها لين أخلص شغلي.

وحركة مشابهة كنت أعملها لما نطلع .... يبيعون حزام للأطفال ينربط في يد الطفل ويد الأم .. استخدمته مع سلطان لأنه ما شاء الله مرة ركض مني في المول وما عرفت ألحقه لين واحد كان ماشي في أمان الله انتبه له وهو ومسكه لي.

__________________


اللهم طِيبَ الأثر .. وحُسْنَ الرحيل.

ودي اطبق الحل بس خايفة تجي وحدة وتصوره وتسبب لي مشكله
بس حزام الطفل ذكرتيني به جزاك الله خير بشتريه لاني شفت الامهات في الحرم يمسكون اطفالهم به😘😘😘😘😘😘😘😘

الله يعين عليهم ويصبرنا ويكتب الاجر رحمه من ربي اني ماني موظفه ولا كان مت 😂😂😂😂😂😂😂😂😂

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

من اللي بيصورج؟!!

أنا كنت أربطهم في البيت .. والله حليم ستّار.


لكن على طاري الحزام.

مرة كنت طالعة مع سلطان وهو صغير وكنت حاطة هالحزام في يده.

دخلت محل أشتري .. فقالت لي العاملة اللي في المحل: حراااام رابطة الولد هيك!!

قلت لها: خلاص فديتج ما راح أربطه هيك .. وباشيل الحزام .. وانتي اركضي وراه في المول.

__________________


اللهم طِيبَ الأثر .. وحُسْنَ الرحيل.

مبتعثة تذكرت سالفة ..
في عملي السابق انا وزميلتي تقاربنا كثير وصرنا مقربات من بعضنا وايد وبينت صفات مشتركة منها تقارب الاعماى وهي ايضاا ام البنات وبناتها قريبات من سن بناتي فكنا نطلع بعض الاحيان ونتشارك السوالف واليوميات ..
بعدها انا حصلت وظيفة ثانية فصار تواصلنا غالبا بالواتس اب من فترة للثانية وسؤال عن الاحوال .. فعلا للبعد فجوة ..
في يوم اشتقت لها واايد قلت لها وحشتيني ابي اشوفج خلينا نشوف يوم ونطلع مع بناتنا ..
ردت علي بيتي الجديد قريب يجهز (في منطقة اقرب لبيتي من بيتها الاول ) وقتها بنكون قراب وبنتزاور .. قلت لها خير ان شاء الله. مع اني ماقلت لها اجيك البيت .. كنت افكر نروح مطعم مثلا او حديقة .. على فكرة هي اشوفها في السناب تقريبا بشكل يومي تطلع من بناتها من الظهر الى الليل من مكان لي مكان .. يعني كانت تقدر يوم واحد تقول لي وين بتكون ونتقابل ..
بعد مانتقلت بيتها الجديد بفترة كلمتها وقلت لها اجازة الربيع على الابواب ودي ازورك في البيت ابارك لك .. ردت علي خليني اشوف متى بالضبط يخلصون الامتحانات وارد عليك ..
خلصوا الامتحانات وبدت الاجازة وخلصت الاجازة ولا كلمتني ..
وايد متضايقة منها .. كنا سمن على عسل مابدر مني تصرف ولا صار بينا موقف يخليها تتجنبني .. بس الظاهر ان قلبها مب علي ولا همها شافتني او لا ..