والمطلقه ماهي بشر
انضجي ي مصونات
الحياه كلها مو زواج او طلاق
والله يابنات بيتمنون الطلاق بس مو حاصل لهم ي يكونو اهلهم مايريدوهم او عندهم اطفال مانعينهم
اخرجي من هالدائره اللي عايشه فيها
عندي صديقه مطلقه منطلقه للحياه تحب الوناسه ماتجلس بالبيت عندها هوايات من رسم وفن صارت تسوي توزيعات وتبيعها لنا للاعياد تطلع وتروح وتجي وواثقه بنفسها وموظفه وكلها سنه ونص وانخطبا لشاب اعزب ماشالله طاير فيها
وجاها غيره كثير وهي اللي ترفض تقول ابي انبسط الزواج مسؤليه الى ماتتم الله عليها وارتبطت بهذا الشخص
ولو لك رغبه ي مصونات بالزواج كيف بيعرفونك الناس وانتي مختبئه اخرجي لهم البسي وفيري لوكك اصبغي قصي اشتري ملابس جديده وجميله تروشي بالعطور دلعي نفسك
شوفي لك هوايه ومارسيها ادخلي تحفيظ او دورات حاسب ولغه اشتري كتب تطوير ذات
ابحثي عن نفسك انتي عن سعادتك انتي تخيلي مافي الدنيا رجال ابد هل راح نموت احنا الاناث
ابحثي عن صديقاتك زوريهم واعزميهم غيري جو شوي
اشتغلي اي شيء سويه بعيدا عن تفكيرك بالزوج والزواج
وفي امرين اذا فكرنا فيهم ماحصلنا عليهم
الزواج والحمل
انسي طاري الزواج وراح يكتب الله اللي فيه الخير
استغفري يوميا الف والفين مره وقولي الدعاء ربي لا تذرني فردا وانت خير الوارثين وادعي ربك مع الامل بأن الله مجيب للدعاء قومي من وحل السلبيه اللي انتي غرقانه فيه
شوفي نعم ربي عليك واحمديه واشكريه

__________________
أستغفر الله العظيم واتوب اليه