بس صدقيني ما راح يطلقك هو قال الكلام في لحظت غضب

غلطان .. أنا نسيت عمري عشانه .. سكت عن وضعه ومرضه بأول زواجنا عشانه واخرتها يقول انتي سكتي عشان قلتي شيء أحسن من لا شيء وخفتي يفوتك القطار فصبرتي علي .. سبحان الله يعني هذي جزاتي..

تدورون إني حارمه نفسي من المشاغل والاسواق عشان نوفر ونبني حياتنا وهو بالاخير يقول ماتهتمين بنفسك .. بس فعلا هو صادق لاني حرمت نفسي ماسويت مثل باقي الزوجات من مشغل لمشغل ومن سوق لسوق متدلعة براتبها الرجال دبر عمره ولا عساه مادبر ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هذا المفروض ياحبيبتي لأنك أنتي

الأنثى وهو الرجل ليه تاخذين دوره ؟

هو المسؤول عن الصرف عنده وإلا

ماعنده هذي مشكلته . راتبك لك

إستمتعي فيه تسوقي إلبسي

أحسن لبس والباقي وفريه لك .

لا تنتظرين الحب والدلع من

أحد أنتي حبي نفسك ودلعيها .

__________________
الحمدلله حمدا جزيلا ...

الله يفرج همك عزيزتي هو حكي هيك بحالة غضب بس يهدأ رح يتراجع عن كلامه
الله يسر امركن ويبدل حياتكن الى الافضل ويرزقكن راحة البال والسعادة من حيث لا تحتسبون

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

جزاك الله خير .. بس مااعتقد انه قال هالكلام بدون قصد ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الحين انتي ليش تسعين في الطلاق
و انتي من وضعتيه اول الحلول ؟

+
ليش ما تشوفين نفسك لو مرة وحدة غلطانة ؟
اسلوبك يا اختي الكريمة استفزازي و حساسيتك المفرطة و سوء ظنك


سواء استمرت حياتكم او انتهت
لازم توقفين وقفة جادة مع نفسك
لا تستمرين بهالشخصية
أول خطوة لعلاج مشاكلنا "هي الإعتراف بوجودها أصلاً"

و انا اتوقع فعلاً انه كلامه مجرد تهديد فقط ..
و أتمنى لكم الإصلاح : ما بيني و بينك شي و لا اعرفك
بس شخصيتك جداً متعبة و مستفزة
وحتى أحكامك في علاقتكم قوية "مابي منك شي ، و آخر يوم بعمري أطلب منك"
ليش كل هالدراما على موقف عادي يصير بين اي اثنين ؟

احس عندك مهارة في تصعيد المواقف !
الله يهديك و يصلحك و ان شاء الله تقتنعين و تنتبهين لنفسك
سواء من خلال ردي أو من خلال الحياة عموماً ..

مع هذا الرد بكامل تفاصيلة
واضيف دئما في مواضيعك تاخذين دور الضحية
والمظلومة صفة يكرهها اي زوج..لم تغيري من
نفسك ..اتوقع لو كنتي عند زوج غيرة كان الطلاق
حاصل من السنة الاولي لان الرجل لا يعيش بنكد
اذا تريدين ان تحافظي على حياتك الزوجية ابدى
رحلة التغيري من الان حسني صورتك عندة
انا اتكلم لاني اطلعت على كل مواضيع
لديك حساسية مفرطة وضنون تخالف الواقع
ومااقول الا عسى ربي يعينة بصبر
ولا يحرمة الاجر

__________________
سبحان الله وبحمده سبحان الله العظيم

مع بنت الكرام

و شاطئ الراحة

و الأخ الرسمي

.
.

انت ما تنظري لتقصيرك معاه ، و تعتقدي إنه راتبك و وظيفتك و وقوفك المادي معاه
( كفاية عليه ) ..

هو يبغى زوجة فرفوشة ، مو زوجة تعطيه أوامر و تكلمه كأنه - ولدها - ؟

تكلمتي بدون قصد ، لكن كان ممكن تحليها بشكل أفضل ..

.
.

يعني ما فكرتي في زوجك ، حبيبك ، جالس جوعان لوحده و ياكل لوحده
و بدل ما تقولي له أي كلمة تطيب خاطره ؟

تقومي تفكري في الصحن ؟ و في نفسك ؟

يعني حتى السفرة تبغي يستخدمها .. مو عشانه هو ..
عشان نفسك ..؟؟؟؟

.
.

زوجك معاه الحق إنه يزعل ، و إنت ما تفهميه و ما تعرفي تتعاملي معاه
و بنفسك راح تخربي بيتك

و لا تقولي ما اهتميت بنفسي عشانه و عشان نبني حياتنا ووو إلخ
هذا كلام الافلام الدرامي ، ماحد منعك تحرمي حالك .. و لا ترمي باللوم عليه

ما راح اطبطب عليك و أنا شايفتك تخربي حياتك بنفسك
و للاسف ما تستفيدي من نصايح الأعضاء و العضوات
و كل مرة تخربي بيتك اكثر و اكثر ، لحد ما يضيع زوجك من يدك

أحبه للحين ما تغيرتي
السيناريو اللي كتبه الاخ الرسمي هو سيناريو حياتك بالضبط

واستغرب منك تبيعين بسرعة
يعني يرمي كلمة عتب بسيطة ترمين أكبر منها

بدأت أميل الى أن أن الموضوع ليس خلل في الشخصية او التعامل
أنما وكأنك أصلا لا تحبين زوجك
ولربما مستكثرة نفسك عليه
وموافقتك عليه ورضاك بحاله لازم مقابلها أطنان من المداراة والترضية والتدليع من جهته !

__________________
الحمدلله الذي بنعمته تتم الصالحات

ويمكن عندك شعور بالنقص باي شكل من الاشكال
فتظني زوجك تزوجك من اجل فلوسك وليس لذاتك
فتتصرفي بناء على ان هذا الرجل لا يريد مني سوى الدعم المادي

.

لما دخلتي عليه وهو ياكل ليش اسلوب انسه منشن اللي سويتيه!!
ليش لما شفتيه ياكل لحاله كنه باقي عزوبي
قلتي بكل مرح يا جعله مداخيل العافيه حبيبي
وجلستي معه واكلتي وضحكتي معه على شكله وهو حاط الصحن بدل السفره
بالله يتشابهون الموقفين؟!!!

شوفي اسلوب انسه منشن اش سوى والاسلوب الثاني اش ممكن يسوي!

كان زوجك يضحك وانتي تضحكين ووصلتيله رسالة السفره بكل ادب ومرح
وحتى لو ما وصلت رسالة السفره صحن واحد اكل فيه اللي تقولين حب حياتك
اغسله بعيوني مو بيدي!!
عجايب!!

اعيدي ترتيب شخصيتك " من الداخل "وليس بالاسواق والدلع الخارجي والداخل خراب!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )