جزاك الله خير ، و الله يرزقك ضعف ما تمنيتيه لي ياعمري

سجلي بموقع لأنه يتميز بعدة أمور :
ـ مراقبة مشددة على الرسائل و زي ما سبق و ذكرت اي طلب تواصل خارج الموقع تحذف العضوية


تدخلين و انتي مرتاحة تحسين نفسك بجو آمن و محد بإذن الله راح يستغلك أو يضايقك.

+
من تجربتي
استغرب من اللي يكتبون في ملفاتهم "لاتوجد جدية"
أنا الحين كملت شهرين و يمكن طلبني للخطبة 120 شخص
و كلهم كانوا مستعدين للزواج و الإرتباط فوراً
أساسا قوانين الموقع ما تسمح اللعب

نصيحتي لك :
1ـ الإستخارة
2ـ التوكل على الله و عدم تعليق قلبك بالموقع "لأنه سبب من الأسباب بل علقي قلبك ب رب الأرباب"
3ـ الإستغفار و التقوى و التوبة من الذنوب "ومن يتق الله يجعل له مخرجاً"
( بخصوص نقطة الإستغفار : صديقتي اللي مسجلة معاي بنفس الموقع قالت لي : كيف كذا كل فترة يطلبك واحد للخطبة و بسرعه مع ان مواصفاتنا متقاربة ؟ و كيف استغفر و ما يجيني شي ؟
قلت لها : الإستغفار مو ترديد عبارات فقط .. لازم تتوبين من ذنوبك
توبي الى الله ارجعي له
ـ طبعاً صديقتي ملتزمة .. ملتزمة بالحجاب الشرعي بعيدة عن المسلسلات و الأغاني و محافظة على صلاتها و تحفظ القرآن و تعمل في مجال الدعوة ـ
قلت لها : اذا لم يكن لديك معاصي من أفعال و اقوال ف راقبي قلبك
تخلصي من التكبر و الحسد و الرياء و الغرور و باقي امراض القلب


4ـ انصحك أيضاً بإعلام أهلك بهذه الخطوة
أمك او اخوك
ضروري أحد تثقين فيه ، يعرف بهالشي
عشان يكون الموضوع متقبل عندهم مبدئياً
+ عشان اللي يخطبك يرتاح بعد

5ـ اذا سجلتي ..
نصيحة لوجه الله عدم كتابة مواصفاتك الشكلية بالتفصيل
او مثلاً المبالغة او الكذب فيها
و اعلمي ان الرزق من الله
مثلاً اذا كنتي عادية فلا تكتبي جميلة لجذب أكبر عدد من الخطاب
و احتسبي الأجر في هذا عند الله انك تتعاملين ب صدق .

أيضاً اكتبي في ملفك عن علم اهلك بتسجيلك بالموقع : اشارة لجديتك

حاولي يكون كلامك لطيف و صادق و مختصر
الاحظ بعض البنات يكتبون بطريقة منفرة و فيها تهديد
مثلا تكتب : اللي فيه كذا و كذا لا يقربني و لا يفكر فيني
اشوف هالأسلوب يفتقر للـ اللباقة و الإحترام

ركزي فقط على الصفات الإيجابية اللي تبينها بالرجل
و حاولي تكون منطقية و معقولة و اكتبيها
ما له داعي تكتبين ما ابغى من كذا او كذا .

6ـ اخيراً لا تيأسي أو تملي اذا ما جاك شخص كويس فوراً
اصبري
و احتسبي الأجر في صبرك
و زي ما قلت لك لا تعلقين قلبك بالموقع
كله نصيب ، و هذي وسيلة
و أحيي فيك عدم يأسك " وانك حاطة يدك على خدك تنتظرين مين يدق الباب "

الموقع فكرته ممتازة
و يوسع من فرص الإنسان
و ممكن تلاقين بسهولة المواصفات اللي انتي تبينها

الله يوفقك