انا مارحت لاهلي
صار نقاش حاد بيني وبين زوجي
طلع لقى بنتنا حرارتها مرتفعه
وسبني واتهمني اني مهمله
وقال مافي طلعه اليوم قابلي بنتك
وانا انفجرت وصرخت عليه وسبيته
قام عصب اكثر وكان بيمد يده
وانا بعدت بسرعه وقلت له تعوذ من ابليس

دخلت الغرفه لان ولدي كان يصيح
وبعد 10 دقايق لحقني
وكان معصب وزعلان ويلومني على صراخي
وانا حملته المسؤوليه وقلت كل اللي بخاطري
وطلع كلام نوني صحيح 100٪
هو حقود
يقول انا اخاف اقرب منك زي زمان،، تقومي تركبي علي!!
وقال انتي تغيرتي لان صار عندك اثنين
وصارت روحتك لاهلك صعبه!!
قلت غلطان
ممكن صعبه مع عيالي.. بس لو بروح بتركهم معك!!

المهم
تركته يتكلم
ويدقق ويلوم على اشياء تافهه
وانا تعوذت من ابليس
ارسلت لامي رساله اني ما اقدر اجيهم بنتي تعبت
وطلعت الصاله لقيت البنت نامت
راح زوجي الحين يجيب لها خافض حراره من الصيدليه


احس كلامي اثر فيه
واكتشفت انه فاهم اشياء كثيره غلط
تخيلوا يقول انتي طلعتي من النفاس وناويه تتحكمي فيني
تخيلوا فهم طيبتي بانها نوع من الكيد والحيله
وانا احاول افرض سيطرتي بطريقه جديده
طبعا قال كلام كثير اهبل
بس سكت حتى ماتوصل الامور لاشد من كذا

حلوووو انك سكتي..
بمواجهتكم الاولى تضايقت انك دخلتي صاحباتك بالنقاش
لان الزوج دائما يبي يكون الرقم الوحيد عند زوجته
فما فيه مانع تعيشيه هالدور..
والمواجهة الثانية سكرتي عليه خط العودة..

حبيبتي كنافة والله ماألومك
البعد العاطفي صعب ومؤلم واحيانا ألم نفسي وازمة ثقة بشكل اوسع..
بس برضو أنتم بحااااجة للحوار المركز نحو المشكلة وبدون اي تشعبات
كان محتاج يفضفض وانتي محتاجة تفسيرات..
الحمدلله انك مارحتي

اهدي وتعوذي بالله من الشيطان
حاولي تقرين قران الان والافضل البقرة لأنها تطرد الشياطين..
كنافة انتي محتاجة احتواء عاطفي
مو عارفة كيف اشرح
بس لو قبلة جبين قبل النوم والا احتضان سريع
مع الوقت زوجك بيكون أكثر حميمية واكثر هدوء واقل شراسة وبيعرف انك عندك حاجة عاطفية منفصلة عن الجنسية..

ربي يصلح ذات بينكم ويهديكم ويصلح حالكم

دعواتي ترافقك عزيزتي كنافة

ما تخلي ثقتك بنفسك تنهز مهما قال وبنفس الوقت اعطيه الثقة

سلامتها بنوتك عليها العافية
اسأل الله ان يبدل حالك الى افضل حال

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

خاف إنك تطلعين وماترجعين يدور أي

حجه عشان تقعدين هذا سبب عصبيته

ودليل إنه يحبك ويبيك .

لا تصارخين لا تصارخين ولا تعاندين

شفتيه معصب وقال مافيه روحه خلاص

تعالي له إذا هدأ وتفاهمي معاه بكل هدوء
، وضحي له الأشياء الي هو فاهمها غلط

، إفتحو صفحه جديده

حطي لك شروط الإحترام ،

عدم التجريح في الكلام ، الحوار والتفاهم

في خاطرك شي علي تجي تقولي مو

تشيل بقلبك وأنا أشيل بقلبي كل شي

نعالجه أول بأول ، أحسن النيه ماحنا أعداء كل واحد يترصد للثاني إحنا زوجين خلنا نتكاتف ونتلاحم حتى أعينك وتعينني
على الحياه .

بإذن الله إن هذي المشكله بداية الفرج .

__________________
الحمدلله حمدا جزيلا ...

الله يكتب اللي فيه الخير
زوجي كارهني وبنفس الوقت باقي علي
احسه بصراع نفسي غريب
تخيلوا انا امس دخلت انام بدري
لقيته مرسل لي اغنيه عالساعه وحده


يا الله على تعب القلب اللي جايبه لي وله
ياجماعه تراه صدق حاقد علي
مو قادر ينسى اني قبل 3 سنين كان ارادده
وكنت اعانده وكنت اتحداه وكنت رافعه خشمي عليه

مهما مديت يدي مهما تغيرت مهما حبيت
مهما توددت مهما فعلت له او لاهله
باقي هو صاد ويحيط نفسه بسور ممنوع ادخله
لكن امر الله اقوى
انا تعبانه لدرجه مالي مزاج اتكلم او اشوف احد
ابمسك لساني تماما وابجلس ببيتي هاليومين
يعني بأجل زياره اهلي لحد ماتهدى الامور شوي
رغم اني عارفه ان زوجي مقفلها بوجهي خلاص

اكتبي له رساله بخط يدك عن كل اللي بخاطرك ..وانك تغيرتي عن قبل وصرتي شخص ثاني تدورين رضاه وتبين الستر والسعاده والراحه والامان زي اي زوجه...قوليله لايخلي الحقد والماضي يعمي قلبه عن الحقيقه وعن التغيرات..دقي الحديد وهو حامي

طالما مشكلته الحقد
دوري في النت افضل المواضيع او المقاطع عن الحقد وعواقبه في الدنيا والاخرة
ثم علاجه

مدري صراحه انتي اش مسويه له اول زواجكم
انتي قلتي بشكل عام انك كنتي ترادديه ورافعه خشمك عليه
لكن يمكن بشكل فضيع صعب الواحد ينساها؟

لان قصتك تشبه قصة وحده كانت هنا طلقها زوجها فجاة وهي مستغربه
وتبكي وتشكي المسكينه بكل موضوع
تقفل موضوع وتفتح الثاني على نفس الموال

حتى بعض الاعضاء تضايقوا منها ومن كلامها المكرر
مدري اذا مريتي على بعض مواضيعها ..قريب هذا الكلام

المهم تقول في الاخير انها كانت سيءه معه بداية زواجهم
وكانت شايفه نفسها عليه
حتى مره طردته من قاعه احتفال!! مسويها لها هو او مدري من والله نسيت
المهم انها طردته من القاعه مدري امام الناس ولا كيف

بعديييييييييين تعدلت بعد ما هو تشبع اهانات وحقد عليها!


الخلاصه هذي مش تصرفات تبرر له حقده عليها؟؟!!

راجعي ارشيفك معه ودوري علاج لكل موقف في عقله الباطن

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مع هذا الرأي

إجعليه يرى أفعالاً لا أقوالاً بادري بالعلاقة

واحضنيه في الصاله

شاهدي معه التلفاز وضع رأسك على كتفه

أمسكي يده وقبليها

ولا تخافي أنت على خير بإذن الله

أسأل الله أن ييسر أمري وأمرك و يفرج همي وهمك و يصلحك لك زوجك

كنافه هو شايل بقلبه فعلا

ترى الجنوبي عاطفي جدا

حلوه مبادرته والأغنيه قريت كلماتها

كلها عتب وحلو العتب بين الأحباب

هدي أعصابك روقي ، إخذي كل شي بحسن نيه .

__________________
الحمدلله حمدا جزيلا ...

كنت استخف بكلامه وارادده كثير
واتحداه واذا ماعجبني كلامه قفلت الخط بوجهه
واذا جاب هديه ماعجبتني رميتها بوجهه
باختصار كنت قليله ذوق معه
ومغتره بجمالي وكل مافيني
واعايره زمان ان حياتي ببيت اهلي احسن من حياتي معه
كنت اشوف عيوبه بس
كنت اعامله ند بند

هذا كله زمااااااان

وطلقني هو وجلست شهرين ببيت اهلي

وردينا لبعض.. مر على هالشي 3 سنوات
3 سنوات وانا اركض وراه وهو يصدني
يقهرني ويكسر مجاديفي
وانا متحمله جفاء وهجران وقسى واهمال
صرت ارمي حالي عليه رمي
وهو يتركني ويحتقرني اكثر
ويتهمني اني امثل الطيبه واني امثل الحنية
ويحاول يضغط علي يبغاني انفجر بوجهه
وانا كااااااتمه وساااااااكته
جرحني مرات كثيييره وانا اسامح واسامح

مشكلته يشوف عيوبي بس
ومايشوف عيوبه
وقلبه اسوووود
لماقريت بنمط الشخصيه الجنوبيه
عرفت انها شخصيه تحب تعيش دور الضحيه
هذا زوجي بالضبط