رد: معاملة زوجي لي اثناء السفر !
احبه حبيبي
قلت لك ان الحساسية بحد ذاتها مو عيب كبير في الشخصية الا لما تأثر على حياتنا
وتخلينا نعطي الامور الصغيرة أكبر من حجمها بكثير
لما نتأثر باي كلمة نسمعها ونفسرها حسب اعتقادنا احنا وناخذها على المحمل السلبي
هنا يكون التعب وممكن نخسر اللي نحبهم ولازم نوقف مع انفسنا وقفة جادة للتغيير
قرأت بعض مواضيعك السابقة وبصراحة اشوف ان الحساسية حتى مع اهلك مو بس زوجك
ويمكن والله اعلم حساسيتك اللي تظهر الآن بشكل كبير بسبب تراكمات قديمة ما تخلصتي منها انتقلت معاك في مراحل حياتك وتؤثر عليك في علاقتك باللي حولك واحكامك على التصرفات اللي تصدر منهم..
لما كنت في فترة المراهقة كنت حساسة جدا لدرجة كرهت حياتي
وتاثرت ثقتي بنفسي بشكل كبير
كل شي افسره غلط شايفه كل اللي حولي ضدي محد يفهمني
تنقال لي كلمة ارد بعشر واخربها ولا يهمني
لكن ما استفدت شي بالعكس الحاله تسوء أكثر
جربت أغير نظرتي للأمور بعد ماسمعت كثير اني افهم خطأ
ولازم افكر في كلامي قبل لا اتكلم
ومو كل شي لازم يجي على مزاجي تماما لابد من التغاضي والتطنيش
واعطاء الامور حجمها المناسب..
باختصار صرت افكر بإيجابية بنفسي وبالآخرين وانتبه لردود افعالي
واقيم تصرفات الآخرين بحسن ظن الا ان يثبت العكس
الشئ هذا زود ثقتي بنفسي بشكل كبير الحمد لله وخفت الحساسية بشكل اكبر
ومع الوقت صرت افصل بين الشخص وتصرفاته لما يكون زعلان أو في أي حالة نفسية
ما اعاتبه عليها ..انتقد الموقف بشكل عام وما اشخصن الامور وطبعا هذا اريح لي
انا بالدرجة الاولى
الآن انتِ بدأتي تحسين ان زوجك تغير اسلوبه لانه ما عاد يتحمل الحساسية الزايدة
وحياتك تاثرت .. الحل ببساطة تغيرين أفكارك ومعتقداتك عن اللي يصير معاك
لأن تصرفاتك هي نتيجة معتقداتك الموضوع يمكن يحتاج وقت وتدريب نفسك
على مهارات التغاضي والتغافل لكن في النهاية بتتخلصين من الحساسية مع الوقت
وبتشوفين كيف ردود أفعال زوجك تغيرت معاك ..
عندي ثقة انك تقدرين على التخلص من الحساسية ..انتِ وزوجك ماشاء الله
عندكم كثير صفات ايجابية وحياتكم تستحق انكم تبذلون جهد عشان تكون افضل
الله يوفقك ويصلح احوالكم..
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
15-11-2015, 02:14 PM
ضوابط المشاركة
العرض الشجري