الله المستعان
الظاهر لي من كلامك

انت من اسره محافظة جدا جدا
تزوجت وانت صغير لتعف نفسك ، ولا ادري ربما هي رغبتك الشخصية
او ضغط من الوالدين لأجل الاعفاف
وفهمت انك الان طالب جامعي ، وفي نظري ماتزال صغيرًا
الحقيقة اهل زوجتك اجاويد وعيال ناس
اللي زوجوك رغم صغر سنك بنتهم.
وترا نادر ناس تسويها

طيب هي تقول بجلس عند اهلي لين يعرف قيمتي
انت عرفت قيمتها الان
روح لبيت اهلها قابل ابوها ،وتكلم معاه عن رغبتك ببنتهم
وأمدحها ، وكون جايب معاك هديه لها وصالحها هناك
اذا ما معك مبلغ هديه فخمة
أشتري لها تعليقه بسيطة ما تتجاوز 700 ريال

وبعدين ترا تهديد الطلاق ، ويطلق وانا نظامي كذا تبين والا روحي لبيت اهلك
والغلط ع اهل الزوجة ، او عليها ، كلها أمور تجعل الحياة في نظر الزوجة غير أمنه
مع هذبا الرحل


الله يصلح ذات بينكم

تحديث: اهلي اشتاقو للبنت لمده شهر ما شافوها وكانو متعودين عليها يوم كنت ساكن عندهم اكثر من 10 اشهر فطلبوها يوم الاثنين اللي هوا قبل امس وامس امها اتصلت تزعق لاخواتي لازم تنام عند امها واليوم اسمع خبر ان زوجتي تعبانه مشان بنتي مي معاها وودوها المستشفى على كلام اختي.وبنتي اقولها اسمعي كلام ماما بالتلفون تقولي ما باكلمها تعال عندي هنا . انا ما اقدر انزل مكة الا نهاية الاسبوع نتيجه لتسليم البحث والاسئلة قبل يوم الجمعة. انا اتصلت لامها قبل اسبوع واعتذرتلها اعتذار صادق اني مدرك اغلاطي وفعلا اخطائي لا يمكن التساهل فيها ولو كنت انا القاضي حكمت على نفسي بالقتل وراح ابصملك تبصيم بالدم اني ما راح اكرر اخطائي لكنهم للحين هي واخوها ما ردولي بخبر. انا كطرف رئيسي في هذه المشكله كيف اتصرف؟

أعانك الله
قرأت رسالتك واستنتجت منها الكثير وسأنصحك بالاتي :
أولاً : لا تكن طيباً مع زوجتك بشكل يجعلك تغير قرارك بلحظه .
ثانياً: لا تشعر نفسك بالذنب وتكلف نفسك فوق طاقتك .
ثالثاً: ابتعد عن تدخل العائلات بمشاكلكم من الطرفين قدر المستطاع وان كان ولا بد يجب تدخل الرجال دون النساء .
رابعاً : زوجتك يوجد من يأثر عليها ويجعلها عاصيه لامرك سواء كان ام او اخت او صديقه .
خامساً : الحياه الزوجيه عباره عن مشاركه بافراحها واتراحها فلا تجعل من بعض التقصير سبب في ضعفك امام الزوجه والعكس صحيح .
سادساً: وجود ظغط عليك فيما يخص ابنتك وهذا دليل على وجود تدخلات كما ذكرت بالنقطه (رابعاً)
سابعاً : ان رأيت مايعجبك من النقاط فهذا من فضل الله وان رأيت مايسوءك فهذا من نفسي والشيطان .
لك اجمل التحايا وحياه سعيده بأذن الله .

الله يسعدك ويعافيك جزاك الله خير وشكرا على نصائحك الثمينه لي وفعلا جميع نقاطك راح ارسخها في مخي. انا حاس بالنقطة الرابعة كنت اقلها انو في احد يغيرك عليا وهي تحلف ومن هذا القبيل اقولها بدال ما ترجعي لي من بيت اهلك مبسوطه ومبتسمة دايما عليكي ذيك النظره فيقولولي انت تتوهم. الله يسعدك ويعافيك اذا ممكن تعلمني كيف اتصرف من هذه النقطة وكيف اقنعها ما تسمع منه لانو فعلا خربت حياتنا . والله يجزاك الخير الكثير يا رب

اخي العزيز :
أنت رجل تدير بيتاً ومسؤولاً عنه ولك مساحه معينه لا تستطيع تجاوزها سواء كان مالياً او اجتماعياً ..الخ
انت من يقرر كيف تسير بالسفينه وكيف تمنع التدخلات (ان وجدت) ابحث عن الشيء الذي يناسبك ويناسب زوجتك وطبقه .
الاهم ان تكون على طريق واضح وتكون قوي باتخاذ القرار ولا تتنازل ان لم يستدعي الامر ذلك او يتضح انك على خطأ . (لاتكن ليناً فتعصر ولا تكن قاسياً فتكسر)
نصيحها لك : المرأه عاطفيه ورومنسيه(أم دميعه) ..الخ ولكن لا تستطيع قيادتها الا بالقوه , والرجل عكسها قوي وشديد (جلف) ولكن لاتستطيع الزوجه قيادة زوجها الا بالكلمه الطيبه الرومنسيه .
وفقك الله

الله يصلح حالكم
انت ذكرت بداية انكم كنتم في اكثر من دولة ممكن لهذا السبب زوجتك لما رجعت زاد تواصلها وطلعاتها مع اهلها وصاحباتها لتعوض السنوات اللي عاشتها بعيدة
ولفت نظري نقطة انك تقول انك
متضايق من زوجتك انها تشوف نفسها فاهمه بالعلاقات
وبعدها قلت انها ساعدتك على التواصل مع الناس
وهنا فيه تناقض
انت لازم تعرف ايش اللي مضايقك بالضبط
تواصلها مع اهلها وصديقاتها؟!
انها اجتماعية ؟
انها تفضل زيارة اهلها على الخروج معك؟
وزيارة اسبوعية لاهلها ليست كثيرة ابدا
نجي للاهم وجودها ببيت اهلها
مثل ماقالوا لك الاعضاء اعتذر منها
ثم خلاص اسحب نفسك ولا عاد تسأل عنها وحتى زياراتك لبنتك خففها لكن لا تنسى تعطيها مصروفها
واسلوب انك تبين لزوجتك انك ما تستغني عنها وبتموت من دونها هذا يخليها تستقوي عليك وتكون ضامنه انك متعلق فيها ومهما سوت مارح تتغير عليها
طبعا مطلوب ان الزوج يبين مشاعره للزوجة لكن مو لدرجة انها ماتحترمه،خليك وسط وانت اخبر بزوجتك

والسطرين اللي كتبتها انت بردك انتبه ياخي الحياة والممات لله سبحانه وتعالى مو عشان البشر