شلون اسلوبك بالنصيحة ؟! وطريقة ايصال اعتراضك ورفضك للامر؟ كل هالشيء مؤثر في مدى تقبلها بالتالي مدى احساسها بصدق او بصحة كلامك ..

اتذكر احد اخوتي كان كثير التدقيق او بمعنى اخر كثير النصح ولكن الله يهديه اسلوبه منفر واصراره مزعج ! ( وفعلا محد يسمع له الا عشان بس للتسكيت فقط ! ) تزوجت والتهى بازعاج زوجته ،، في حين اخي الاخر ماشاء الله عليه تشوف بس مايقول نصيحته الا الشخص اللي امامه منفذ النصيحة وبوجه يضحك بعد! ،،، الاسلوب والطريقه والتعامل لايصال الانتقاد او المعلومة له دور اخي الكريم ...

لباسها ان اظهر مفاتنها اذن معاك حق بطلبك ، بيني لها معزتها عندك ولهالسبب تحب لها الخير بالدنيا والآخره ، طلبك ليس امر كثر ماهو خوف ومحبة وغيرة عليها ، قوليها انتي باي لباس جميلة ولكن اللباس المحتشم واللي مايبين مفاتن المرأة يخليك جميلة الجميلات ...

لاتضغط عليها و لا تواصل النصح بس خليها بين كل فترة وفترة ...

مسألة البنطلون او التنورة فهاذي ايضا راجع لموضوع الراحة باللبس فبعض البنات ماترتاح بالعمل ولا بالحركة اذا لابسة تنورة ( على فكرة احنا عندنا الللباس الرسمي لازم بنطلون 😂 ونتمنى العكس بس وظيفتنه تتطلب شي عملي ) والبعض الاخر يفصل فعلا التنورة الاهم بالموضوع كله انه يكون ساتر وواسع نسبيا في الحالتين ...