اسعد الله صباحكم بكل خير

اعتذر جدا عن انقطاعي بسبب سوء النت في منطقتي...
قرأت ردودكم جميعا اشكركم جدا ع نصايحكم استفدت بعض منها ودونتها ...حزاكم الله كل خير
بس حابه اوضح بعض النقاط لصعوبة الرد ع كل واحد ..
انا ماعندي اي مانع من تواصله بأخوه ويعلم الله مافي قلبي ودايم لما يجيني يشتكي اقوله هذا اخوك وهو صغير ومحتاجك وانت الكبير وبابا لما كنت كذا صغير كان يعاملك كذا بس الان انت كبير ورجال ومن هالكلام ...
بس هو جالس يشوف افعال ابوه ويفهم ولدي مو صغير وكلامي ومبرراتي تهديه مؤقتا بس هو مدرك وفاهم اللي بيصير حواليه
انا اعتراضي بسبب ولدي نفسه وسوء حالته النفسيه
من مما حصل سابقا من تصرفات والده ...
لما يجيك ولدك ويقولك اصدقني القول وقولي انا ولد بابا ولا جايبني من الشارع ليه بابا يتعامل معاي كذا ليه يتصرف معانا كذا ومايحبنا ليه يحب اخونا ويدلعه قدامنا ونحن ماكأننا اولاده يعلم الله كيف كنت احتويه وافهمه وادعمه واصبره الين نقلته عند اهلي ...
والان بعد ماتحسن نفسيا وجالس يتقدم بدراسته مابيه ينتكس ونرجع للأول
والده لو انو انسان سوي ويعاملهم بالمعروف ماكنت ابداا اعارض
حكاية مهرج لولده فعلا هذا اللي صاير اخو ولدي ماله ذنب انا عارفتهم ابو عيالي كان يحرم ولدي من اشياء في سبيل توفير المتعه لأخوه انا كنت شايفه هالشي وعانيت منو
وللعلم اللي كتبته هنا مو كل تصرفاته اللي من جد تحير الانسان واتمنى افهم سبب لقسوته وعدم محبتهم...

نجي للمستجدات ...
اتصل ابو عيالي ع جوال والدتي ورد عليه ولدي وقاله حجي اخذك كل يوم وارجعك للمدرسه وولدي رفض وقاله جدي حيوديني ويجيبني والحمدلله ألف الحمدلله لك يارب مااعترض ولا شي وقال طيب..
بكذا ارتحت من هالهم ..
الشي الثاني ارسل لوالدتي انو تقنعني بالرجعه عشان العيال ولا اعند واركب راسي ..
ردت والدتي انو ام نونا انتظر ورقة طلاقي وانها تتمنى ماينسى عياله ويراعي الله فيهم ويلتزم بمصروفهم ...
وان شالله نتفائل بالايام الجايه ويطلق بهدوء والله يعوض علينا جميعا...

__________________
(سيدة الموقف)
لم ننساك ونسأل الله ان تكوني أنتي وأولادك بخير