الله يصلحكم ويهديكم لبعض

لان الموعد زي العيد مؤقت بوقت مافيه تاخير
مايقدر الا يشوفك مقصرة لانك تاخرتي

نفس الشي معي انا بطيئة واحب اكون كاشخه في كل مناسبه
ماقدر اروح بستايل بسيط

بس خطئي اني ماجهز اغراضي من قبل بفترة
اغلب الوقت انشغل في اي شي وفي الوقت الضايع ابدا اتجهز
فيزعل وحسب المواقف يكون ردة فعله
يعني مشاويرنا الخاصة يتحمل ويمشيها لي

بس لو مشيتنا لاهله او احنا مرتبطين باهلة مستحيل يمشيها لي
واوقات يخليني ويروح لولا ان اهله يلومونه

فصار يأكد علي قبلها بيوم ويحذرني
وانا ماحب اطلع قدام اهله بصورة سيئة
ولا ابغاه بيوم يلومني ويقول هي تاخرت

لان اهله اصلا لوامين وينقدون على الصغيرة والكبيرة
وهو يحاول مايسوي شي ينقدونه عليه

يمكن زوجك كذا يخاف من نقد اهله ويحب يتجنبه
ويحس بالضغط في جمعاتكم ويحسك انتي السبب
عشان كذا يحتد معاك وتستغربين وتحسين انه متذبذب او له وجهين
وفي اوقات بعدكم عن التزامات العائلة تلاقينه مرن اكثر


بالنسبة لكلمته انتي رديتي عليه
وصرتم متساووين
لاىتلومينه وﻻيلومك

الله يوفقك اختي
راعي نقطة حرجه من اهله
وحاولي ماتحطينه في مواقف زي كذا
وباذن الله تشوفين رضاه عنك وممكن يعوضك عن هذي الفترة في اوقات ثانيه
بس هو يبغاك في هذه الفترة تلتزمين معه وتشرفينه قدام اهله بالحضور بدري

بصراحة انا الوم نفسي على التاخير وعدم ترتيب الوقت
والحل ادرب نفسي واهتم شوي

مع اني احسه ضغط كبير خاصة بعد الاطفال صرت اجهز نفسي واجهزهم معي
وجلسة العايلة متعبة لهم مقاييس ووقت الجلسة يطول
والوحدة لازم تكون رسميه وشي ممل بصراحة
نفس الجلسة ونفس الكلام ونفس الاسئلة وما ارتاح ويبان علي الملل
ويعتقدون اني ماريدهم !! والله المستعان

__________________
للألم وقعٌ كبير في النفس..
لذلك قال الله تعالى { وبشر الصابرين }...