تسلم الايادي جميعا ..
سقيا اشتهيت الرز بالشعيريه والفاصوليا بالعافيه عليكم ..
يا طباختنا الماهره ..

شوك ..
ايش هالصبيب اللي يفتح النفس ..
يسلم لي هالذوق..هالايام موودي بر في بر << دقيق

وهذا صبيباتي قبل كم يوم بس اكس اكس لارج (:




لقيمات دقيق اسمر (بر)..




جبنيه ..

__________________

السلام عليكم ورحمة الله وبركاته.

أم هشام حبيبة قلبي كل عام وأنتي بخير وأسرتك الكريمة..

مالي دخل أبغى مفطح بالدجاج شوفتي كيف مو لحم جالسة تسكتيني بحلى بس ماأقبل أبدا أبدا..

الله يرضى عليك قولي لي طريقة الجينية اللقيمات مضبوط..

بس الأولى شكلها صعب بلاش ندخل في الشيء إلي مو قده..

الله يحفظك وين ماكنت.

ههههههههههه مفطح دجاج (:
وانتي بخير وصحه وعافية دين ودينا يا اغلى سقيا 💕
ومن تحبين وتغلين .

تامري امر يا جميل ..

لكن الصوره الاولى اسهل طبخه هههههههههه
( مصابيب) ضروري تجربينها لانها جداً مفيده لصحتك وخفيفه ..
خذي لك من الصوامع (دقيق بر جنوبي مزروع على موية المطر )
نخلط مع مويه وملعقة زيت زيتون و حبه سودا ( يكون مثل خليط البان كيك )
وبعدين على الصاجه الحاميه نعمل دوائر كبيره وبس (:


اللقيمات ..
نفس الدقيق البر الاسمر ( 3/4 كاس )
1/4 كاسه دقيق ابيض
ربع ملعقه خميره بلديه مع ربع ملعقه سكر
الماء على حسب ( مالي مقدار معين )
ملعقة زيت زيتون
نص ملعقه حبه سودا ..

تخمر لمدة ثلاث ساعات .. ثم تقلى بزيت حار وعميق .

الجبنيه ..في الخلاط ..
ملعقتين حليب بودر
ملعقتين زيت
ملعقتين جبن سايل
ملعقه ص خميره فوريه
نصف ملعقه بكنج بودر
ملعقه ص سكر ناعم
بيضه
3/4 كاس مويه
فانيليا ، ذرة ملح

تخمر لمدة ساعه او ساعه ونصف ... ثم تفرد بسمك اكثر من
نصف سم ثم تقطع ..
*** هذه ايضاً العجينه اعتمدها للدونت ..

وبالعافيه على قلبك حبيبتي 💕

__________________

السلام عليكم ورحمة الله وبركاته..

ماشي قبلت الضحكة هههه حبيبتي أنت..

بإذن الله كل يوم سأطبق شيء، تسلمي ياغالية.. 🌸🌸🌸