أراح الله بالك وانزل ع قلبك السكينه وكفاك شر وسوسة الشياطين ...

عندي سؤالين
قلت انها سيده متزوجه صح ؟

كيف عرفت بخبر سفرها وغيره ؟

يااااا اختي لما البحث والتنقيب والتفتيش !!!؟؟؟

زوجك يحبك ويصرح لك بالكلام والفعل وأقسم لك ومن حلف له بالله فليصدق
اريحي بالك ونفسك وصدقيه واقنعي نفسك بصدقه ولو مرغمه
يااختي ان كان صادقا ف الحمدلله
وان لم يكن فاعتبريه صادق وحسابه ع الله
عيشي حياتك بسعاده واجعلي التغاااافل شعااارك
عليك ان تتغافلي لو حدث شيء صريح وواضح فكيف ولم يحدث شيء وكلها مجرد اوهام ووساوس وشكوك يغذيها الشيطان الذي مهمته الاولى فساد حياتك فلا تعطيه هذه الفرصه واستعيذي بالله منه واستودعي الله نفسك وزوجك واسرتك وتوكلي عليه وانتبهي اختي من رمي مؤمنة محصنه لمجرد شكوك وأوهام واتقي الله في نفسك وزوجك وتلك السيده ...
أسعدك الله في الدارين ...

حبيبتي من واقع تجربه لمثل مامريتي فيه واكثر...لاتصدقيه ولاتكذييه ..فقط صدقي تصرفاته..يحبك ..يعاملك كأميرته..اكتفي بمايظهره لك فقط ولاتفتشين وراءه...صدقيني اللي فيه بلى بيوضح حتى لو ماسافر لها..بيقعد ساعات ع جواله ويطنشك ..اذا دق يفز يطلع من البيت..يقصر معك بالفراش،،غير كذا كلها حساسيات وتراكمات..الشي الثاني اشغليه ..اشغليه ببيتك وعيالك ونفسك..اشغليه باشياء ايجابيه تسوونها مع بعض..تابعو مسلسلات مع بعض تتكلم عن العلاقات الزوجيه..الشي الاخير لاتبينين له انك ميته فيه وانه اذا لقى غيرك بتضيع حياتك وتموتين ..لاتحسسيه ابداً انك ضعيفه بلاه..خلي حياتك صمت غموض،،مايدري انتي تحبينه او لا..اعطيه فرصه يحوم حولك ويكشف لغزك بدال مايركض وراها..بالمقابل طيريه ع الفراش..خليك وحده ثانيه..في مقاطع تعلمك حتى طريقة القبله الصحيحه..وبس،،بعدها بتتحسن حياتك بشكل ملحوظ..اذا جاب لك هديه اكتفي بابتسامه غامضه ..وخوذيها منه ..بدون اساله وتنبيش وقلق واهتمام منك ابداااااً

الله يعطيكم العافيه
بسراحه كلامكم اثلج صدري
ونصائحكم حطيتها حلقه بأذني
وكل ماتذكرت وضعي وحزنت ارجع واشوف الموضوع واقراء مشاركاتكم
ماشاء الله ردكم فيه حكمه الله يجزاكم خير

__________________

جيتكم هنا حتى تساندوني
ومثل ماقلت لكم وضعي اهلي مايدرون عنه ولااشتكيت لأحد

وحبيت اخذ برايكم اول
الان لنا يومين ومافي تواصل بينا
وانا ماقصرت دقيت عليه ولايرد
ارسلت مسج له يطمني وبرضه مافي رد
ارسلت واتس ولافتحها ....

وحالياً بدت فكره براسي انو خلاص حياتنا تنتهي على كذا وبسكات دامه هو الي بداء بالهجر قبلي
وبسراحه اتخذت قراري وانتهيت واهلي مايدرون
وارسلت له مسج انو خلااااااص صبرت كثيررررر
وهذا نتيجه صبري ولدت ( الانفجار ) .

ولا ايش رايكم هل الحق معي ولالا ؟!

__________________

الغايب عذره معه

انتظري أول اعرفي سبب انقطاعه وبعدين اتخذي موقف

مو يمكن مسوي حادث وانتي ترسلين له بقطع علاقتكم ؟

بلغتي أهلك او أهله انه ما يكلم ؟

حاولي تلاقي طريقة او احد معاه تطمني منه على زوجك وبعدها لكل حادث حديث

__________________

والله ياخالة بيتا الي حصل الان مو اول مرة
وكلامي اليوم غيض من فيض ، وانا والله مأشتكي من اول مرة
سنتين وبين فترة وفتره كذا يختفي ويعيشني بقلق وتعب
وصلت حدي وجيت اشتكي من افعالة

عذرته والاعذار خلصت بالنسبه لي ،، ولو حصل له شي يجي على الاقل ويقولي حبيبتي تطمني انا بخير
مو تطنيش لاسؤال ولا شي

_ وبالنسبه انو اكلم اهلي او اهله
طفشت من كثر مأشتكي لهم وكلهم يقولو اصبري اصبري
ليه انا اصبر وهو مو راضي يغير من وضعه ؟!

__________________

الله يفرج همك عزيزتي ويبرد قلبك ويسعدك دنيا وآخرة
انتظري يومين وشوفي
واذا سافر لشغل اسألوا اصحاب العمل معو انو اذا بيعرفوا شي لانو جواله مغلق وانكم قلقين عليه
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

أنصح نفسي و الجميع بالألتزام بالهدي النبوي الشريف اللهم صَل وسلم على سيدنا محمد صلى الله عليه و سلم
فقد جاء في الحديث عن أبي هريرة، قال: قال رسول الله صلى الله عليه وسلم: «من كان يؤمن بالله واليوم الآخر فلا يؤذ جاره، ومن كان يؤمن بالله واليوم الآخر فليكرم ضيفه، ومن كان يؤمن بالله واليوم الآخر فليقل خيرا أو ليصمت»
فكل كلام يكون طريق للطلاق بسبب الظنون يكون تخبيب و تخريب للبيوت كلكم سيحاسب على كل كلمه يرمي بها هنا

أختي بسمه

زوجك طلع من عندك وأنت تعلمين كل شيء و هو أخبرك و أنت دعوت له بالتوفيق صدقيني الشيطان هو الآن جالس على رأسك و صدرك ليضيقه حتى تسعين للطلاق فلا تستجيب له

أنا لا أستطيع أن أقول لكِ كوني ملك ولا تتحسسي من الموقف ولكن أنت عندك واساوس و شوكوك هي التي تركضين خلفها الآن و في المقابل عندك كلام زوجك المباشر و الذي هو اليقين عندنا الآن و القاعدة تقول اليقين لا يزول بالشك

فلا تتبعي خطوات الشيطان

وتعودي بالله من الشيطان الرجيم

اعوذ بالله من الشيطان الرجيم
وجزاك الله خير كلامك ريحني كثير
وانا في قرارات نفسي اني قررت اصبر يومين ونشرف ايش نهايه الغيبه
ووالله يحفظه ان شاء الله

__________________

مرحباً أختي

أهدئي الله يرضى عليك ... أدعي لزوجك بالصحة والعافية والسلامة ... وأن يعود لكم على خير وبأحسن حال

ماهو أسلوب منك ... إنه مارد وجواله مغلق ومافتح الواتس... أن تتعصبي... وحان الآوان... وأبغى الإنفصال ... وهو الذي بدء بالهجر... وغيره من الكلام

كلنا بنسافر... وبنجلس بالأيام وقد يحصل عدم تواصل مع الأهل بعض الأحيان لظروف معينة ... حتى تتغير الظروف ويتم التواصل مرة أخرى

إذا أردتي أن تتفاهمي مع زوجك بسبب مشاكل وتراكمات قديمة... فأنتظري حتى يصل بالسلامة... ثم ناقشية بأمورك كما تحبي ... ولا تستبقي الأمور قبل وقتها وتفترضي أشياء لم تحصل

كما أرجو أن لا تستمعي لمن يثيرك بموضوع المرأة ويخمن ويحلل لإثارة الشكوك ... فوكلي أمرك لله وهو العليم الخبير بأحوال عباده

بارك الله فيك