اشرحي قصتك ومعاناتك كاملة لله سبحانه وتعالى

في السجود خاصة

وابكي بكاء من قلبك

اسأليه الفرج والمعونة والزوج الصالح

اسأليه العون والصبر على المعاصي والطاعات

اسأليه التوفيق والنجاح والفلاح

جزاك الله خير و بارك لك في سائر ايام عمرك

الأفضل ان اقطعها بهذه القنبلة
و هي العتاب و اللوم و طلب التبريرات
لاني جربت و اعرف نفسي
لو قطعتها من نفسي توبه لله و بدون تبريرات ب احن مهما طالت المدة و ب ارجع
و بيراودني احساس بنفسي اني ظلمته او تسرعت
و بتتحرك مشاعري ( جربت كذا مرتين و ما استفدت )
ف كنت اتمممممممممنى يجيني منه شي يخليني اقطعها بشكل
ما يخليني لو فكرت فيه احن او افكر اتراجع
و الحمدلله هذا اللي صار لما طلبت منه تبريرات
و زي ما سبق و ذكرت
قال انتظريني لمدة غير معلومه و لسبب خاص
و راح اكلم ابوك بس مدري متى
ولازم الومه و اعاتبه ( لانه هو صرح لي انه بكل مرة اقطع فيها العلاقة
هو متأكد اني راح ارجع )
ف لازم ابين له انه فعلا هذي النهاية
و اتكلم له عن المستقبل و اني ممكن اكون لغيره ( لازم يفهم هالنقطة اني ما ب اوقف حياتي عليه )
لاني كنت دايم اقطع العلاقه ب أدب و صمت و هدوء
و اقوله انا بتوب لله و بقطع العلاقة فقط ( بدون اي كلام زيادة )
و اغير رقمي و يطاردني عبر البرامج و يوصل لي

الحين غير / تعلمت من اخطائي في التوبات السابقة
الحين حذفت كل البرامج عشان ما يوصل لي ابدا
ما غيرت رقمي بس حظرته لأني ما ابغى اعيش جو اني اعطيه اكبر من حجمه
و لأني اعرف نفسي ( الشيطان بيخليني احن و بجلس افكر اكيد هو يتصل على الرقم القديم و ما لقاني و احس بحنين و حزن )
لكن حاليا رقمي موجود و طبعا ماراح يسوي مبادرة و هذا يققققققققويني

بكل لحظة تمر بدونه و كل يوم
احس ان قراري كان هو الصح و كان ممتاز
و انه فعلا بايعني و اتأكد من هالشي

انت تشوف ماله داعي التبريرات و العتاب
و انا اشوف له داعي

انا طوال علاقتنا يجرحني و يقطعني و يوعدني انه يخطبني بشهر معين
و يخلف و سواها معاي ٨ مرات
و كنت اسكككككككت و لاعبه دور المرأة الصبورة المتفهمة
صراحة لازم يعرف كمية الألم اللي سببه لي و انه اللي عيشني اياه مو سهل
لازم يعرف انه سبب لي كآبة و حزن و نكد علي حياتي

لسه ما ذكرت شي : (

١- عطاني مواعيد انه يتقدم لي فيها و اخلفها ٨ مرات
٢- بكل مرة نختلف فيها يهينني و يمسح رقم ابوي
٣- يقطعني من نفسه شهر او شهرين و يرجع بدون اعتذار او تبرير
٤- ما يرد على اتصالاتي ابداً ( له اكثر من٦ شهور و ما اعرف السبب )
٥- ما يرد على مسجاتي
٦- يكلمني برسمية شديدة و برود مدة ٣ سنوات ( و هالجفاف انا ما اتحمله )
٧- منعني من كل شي ممكن يطورني دينيا او شخصيا ( ولما اقول كل شي يعني كككككل شي )
٨- لو ما منعني يحاول ينتقص مني ..مثلا بفترة دخلت معهد و تعلمت لغة و كنت اتواصل معه فيها بما انه هو يعرفها ف كان يسكتني بعصبية ( الى الآن مش فاهمة سبب هالتصرفات هل هو يحس بنقص ، ليش ما يفتخر فيني لما اسوي اي انجاز بالعكس كان يفشلني او يسكتني او يقاطعني او ما يرد او يطنش )
٩- غير صريح و واضح معاي ( ويكفي آخر رد له )
١٠ - ما يراعي مشاعري او يقدرها ( مثلا كم مرة اتصل عليه منهاررررررررررررررة اترجاه بس يتصل على الوالد بس اتصال يرحمني فيه من عذاب الضمير و يحاول يكون سبب من اسباب رجوعي لله )
ما يقدرني
١١- يأذيني نفسيا ب مسألة غيابه الطويل المفاجيء او بروده ( و يعرف هذا و ما حاول يتدارك الموضوع عشان يحافظ علي )
١٢- بكل مرة كنت انخطب فيها كنت اعلمه و ماكان يسوي شي ابداً
و مرتين كان الموضوع بيوصل لعقد القرآن و بيصير جدي ، و لما عرف اختفى تماما مدة شهرين ( ولما احاسبه على هالشي يقول مبررات مثل ضاع رقمك فجآه وحدثت جوالي او كنت امر ب ظروف صعبة او كنت محطم نفسيا من الخبر )
١٣ - كثير فرص ممتازة مستقبليه ضاعت مني بسبب تأثيره العاطفي علي ( رغم اني كنت اقاوم ) ومنها دراساتي العليا تأجلت سنتين لأنه وعدني يتقدم لي بشهر معين و بنفس الشهر بتبدأ دراستي بالغربة / كنسلت الدراسة عشانه
١٤- يعامل كل الناس بأسلوب افضل مني ( هو صح ما يجرحني شخصيا بالكلام بس يتعامل معي ب برود و رسميه عكس تعامله مع الناس )

المشكلة ولا مرة قال : اتركيني ( كنت انتظررررررر هالشي )
لكن بعد كذا تأكدت انه ما يبغاني لانه كل شي فيه يقول انه ما يبغاني الا لسانه

انا كتبت ب ردي السابق اني واثقة انه ماراح يحاول يرجعني
لانه هددني بعد آخر مرة تبت فيها و انقطعت عنه
قال ماراح اسمح لك ترجعين لي لو انقطعتي بعد كذا .. ( و انا عارفة بينفذ هالشي )
و هالشي مريحني

صح الأثر كبيررررررر
لكنه ما يسبب لي الأمل ابدا
ولا اتمنى يرجع ، بالعكس انا اللي مدهورني حاليا اني اتمنى ما يرجع
و خايفه يسويها
بالعكس + ما اتمنى اصلا اني دخلت بعلاقة معاه ندمانة على كل دقيقة
لكن مرات افكر بإيجابية و اقول لو تقبل الله توبتي راح يبدل كل سيئاتي حسنات
و عمري اللي اظنه ضاع راح يصير لي مكسب بميزان حسناتي ( والذي أطمع ان يغفر لي خطيئتي يوم الدين )

مواقفه السيئة كتبتها فوق ( تطبيقاً لما ذكرت من انها من ابواب الإستعانه بالله لأجل النسيان )

حسبي الله قهرتني كلمة لست أهلا ان تكوني زوجة لي
لأني كنت دايم شاكة بهالشي مع ان ولا مره صرح لي


الحمدلله وصح كلامك هي رحمة الله قبل كل شيء

و نعم بالله
جزاك الله خيراً من أثمن النصائح ان تذكرني بالله عز و جل