فاكهة

ناموا دحين الساعة 1 الظهر تخيلي : (
لسى الكبير صاحي

.
.

على فكرة ، رجعت اغثكم بحكاوي الوسطاني

رحنا الملاهي قبل كم يوم ، و أولادي كانوا يلعبوا كورة في الملعب الصغير للأطفال ..
مع أولاد أقاربنا ..

كان ولدي الكبير و الوسطاني و ولد قريبنا ، و كلهم أكبر من ولدي الوسطاني ..
و شوي دخلوا مجموعة عندهم و اخدوا منهم الكورة .. مانتبهت الصراحة للحظة دخول المجموعة هذه ..

بس طالعت ، و لقيت ولد أطول من أولادي .. و معاه اخوانه الصغار و اخته الصغيرة ..
و ولدي الكبير يوصل لكتف الولد ، والوسطاني يوصل لتحت كتفه

المهم ، أولادي و قريبهم راحوا بيخرجوا من الملعب ..
و الكورة كانت مع الولد الطويل و اللي اكبر منهم ..

ما أشوف وقتها ، غير ولدي الوسطاني ..
يدير ظهره ، و يتهجم عالولد هذاك و يضربه يضربه يضربه يضربه ، و مسكين مو قادر يوصل للولد
و الولد انفجع و طاحت الكورة من يده ، و ولدي الكبير يسحب أخوه و يهديه و يفك ما بينهم ..

بس بصراحة ، انبسطت بداخلي الحمد لله من تصرف الوسطاني
إنه يدافع عن حقه و ما يسكت .. و لا يخاف من أحد ..

.
.

أهل زوجي يقولوا ، ما ندري الولد هذا طالع لمين ..
زوجي و أهلي يقولوا لي ( طالع على أمه ههههه )

.
.

إيوة صح ، علموني كيف انظم نومهم :""""(