وعليكم السلام اخي..
موضوعك أحزنني
الله يرحم الوالد ويجعل مثواه الجنة
نعم فيه أهل نفس اهل ابوك
اهل ابوي نفسهم بس مو لهالدرجة
امي وابوي اولاد عم.. ابوي قرر يتزوج امي وجدتي ام ابوي عارضت لان كانت تبيه ياخذ بنت اختها يعني بنت خالة ابوي، المهم ان ابوي اصر وتزوج امي.. وجدتي ما قصرت في امي كرهتها واذتها بس كانت ساكنة معانا،ـ كل شي تسويه أذية لامي، مثلا امي تنظف المكان هي تروح وتتعمد توسخه وخصوصا الحمامات وانتو بكرامة..
هي توفت مااقول غير الله يرحمها، ولكن احنا ما نسينا الي سوته في امي، لان حاولت تخرب بين امي وابوي وكانت تحاول تقنع ابوي ان يتزوج على امي من غير سبب، والسبب الوحيد ان من البداية ما كانت موافقة ان ابوي يزوج امي، وفوق هذا كله كانت امي تطبخ لها وخصوصا لما كبرت لان صارت تحتاج اكل خاص لها وامي ما قصرت، اذكر بعدين جدتي مرضت وابوي ما عنده اخوان وعنده 3 اخوات، ثنتين منهم توفوا الله يرحمهم وكانوا يحبون امي وما اذوها بحياتهم، وحدة منهم عايشة وتكره امي، لدرجة ان امي ظلت تزورها بس هي اخر مرة زارتها امي طردت امي من بيتها وصرنا خلاص ما نزورها
المهم هذا الكلام قبل ما تمرض جدتي، بعد ما مرضت جدتي عرفت بنتها الي هي عمتي انها تستلم مبلغ مساعدة من الدولة يعطونه للأرامل، وصارت تقول تبي امها الي هي جدتي عندها، وطبعا لما ابوي اخذ جدتي عندها ظلت تزرع افكار في راس جدتي ان ابوي ياخذ الفلوس من عند جدتي عشان نفسه وهو ما كان يلمس فلوسها الا عشان يجمعها لها، طبعا صارت جدتي تقول لابوي انت تاخذ فلوسي حقك وابوي تأثر كثير من كلامها وعطاها كل المبلغ، المهم بعدين عمتي اخذت جدتي لدار المسنين ورمتها هناك، وتوفت هناك
وللحين عمتي تعتبر نفسها برت بأمها وخلتها عندها لما مرضت مع ان جدتي هي الي طلبت من ابوي ياخذها عندهم