رد: سفر زوجي اتعبني و انتكست اعوذ بالله
عجزت اتعاطف معاك ... قولي لي ايش من قلب عندك تشوفي حرمة غريبة تمد يدها على اطفالك وتسكتي ومو بس كذا تكمليها بهروب تام من حياتهم ومسؤليتهم بحجة شوقكك لزوجك ... قولي لي انت جايبتهم من الشارع عشان تسترخصيهم بهذي الطريقة ... عيالك مالهم ذنب عشان يدفعو فاتورة غياب ابوهم اللي حاطتها الشماعة لاجرامك في عيالك ..
والله العظيم استهون اي معاناة في الدنيا إلا الطفل يتقطع قلبي عليه لأنه مسكين ماله حيلة يدافع عن نفسه فكيف والمجرم الأم إذا كانت الشغالة تضربهم قدامك كيف متخيلة راح تسوي من وراك وانت طول وقتك خرجات وصديقات ونوادي ... خافي ربك ياشيخة تحسبي ماانت مسؤولة أمام الله عن أطفالك واللي يسير لهم بسبب اهمالك ..يعني المساكين الآن بحسبة الأيتام لاأم ولا أب ...
والغريب في موضوعك السابق تقولي أن مشاكلك مع زوجك أغلبها بسبب برودك ولما راح ماشاء الله فجأة تأججت المشاعر ولا الشيطان لقي له مجال عليك ... لاتقولي اللي يده في الموية مو زي اللي يده في النار كلنا متزوجات وعارفين وفاهمين تأثير غياب الزوج بس مانخلي أطفالنا وسيلة تفريغ لمشاكلنا ..
تصدقي أتمنى فعلا تروحي أمريكا ومع احترامي لك مو عشانك لكن عشان أطفالك لأنك لو فكرت بس تفكير تمدي يدك على عيالك راح تعرفي أن الله حق هناك وتدفعي ثمنها غالي مو زي هنا يعيش ويموت الطفل ماأحد درى عنه ...الله المستعان بس ماأحب القسوة في الردود بس معاناة الأطفال تستفزني لابعد الحدود.
__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين
17-05-2015, 05:13 AM
ضوابط المشاركة
العرض الشجري