الله يرزقك الزوجه الصالحه

انا افضل يكون الزوج والزوجه نفس العمر او يكون هو اكبر منها بسنه او سنتين بالكثير
اما اكثر من السنتين يكون التفاهم صعب الا اذا المرأة كبرت عقلها

اما اذا الزوج يكون اصغر منها بصراحه ما اؤيدها ابدااا لانها بتكبر قبله وبعدين يروح يدور الصغيرة << مو الكل طبعا

اختي اللي زواجها بعد كم يوم زوجها اصغر منها بسنه وعلى ماسمعها ان يفهموا بعض كثير !!

اما كلامك ان الصغار مو سنعات ترى مو الكل في الكبيرة اللي ماتعرف شي وفي الصغيرة قايمه بالبيت

وبالتوفيق

انا ماعممت انا اتكلم عن البيئه الي عندي المحيط الي انا فيه البنات الي اصغر مني والله مبزره وللأسف والي لاقي فيهن كل الاشياء الحلوه والسنع والتربيه الزينه يكونون اكبر مني شي يحطم

انا ابي بنت ينشد فيها الظهر تمسك بيتها وتتحمل مسؤلية البيت سنعه مسنعه اهلها وبيتها اخلاق ودين ولا اهتم للشكل كثير
مابي بنت الزوج بنظرها ( المارد الي بيحقق احلامها الطفوليه والخياليه ) ولاتعرف تطبخ ولاتهتم لبيتها ولاشي بكره تنثبر عندي كنها مزهريه ابتلش بها

الله يعين والله دورت لين دخت

اخي نصيحه ابحث عن فتاه ذات خلق ودين والتي يريدها قلبك وتستمر معها طول العمر

هي لن تاتي إليك خادمة وانما زوجه وحبيبه !!

لا تفكر بفارق العمر ابدا

ولا تفكر اذا هي تعرف تطبخ وتنظف ومثل هذه الاشياء

انا استفزني موضوعك لاني من التي ذكرتهن لا تعرف الطبخ ولا شؤون المنزل

تزوجت وانا باواخر 18 لا اعرف شيء من شؤون المنزل حتى لدرجة غسل الملابس والطبخ

لكن مع الايام تعلمت وساعدني زوجي

لذا تستطيع يا اخي ان تاخذ من تحب حتى لو لم تكون تعلم بشؤون المنزل

انت بطريقتك تستطيع نصحها وتغيرها وتعليمها اذا استطعت

حتى لو لم تنصحها انا ارى ان الفتاه اذا دخلت الحياه الزوجيه ستتعلم بنفسها وبارادتها لانها ستشعر بالمسؤولية وتريد ان تتغير للافضل حتى لو طال الزمن شهرين 3 شهور الى سنه

الخلاصه فكر بالاساس وهي شريكة حياتك كيف ستكون بالمستقبل وليس قبل زواجك منها

المهم انك تكون مقتنع فيها هي بشخصها ليس بشغلها !!

يمكن تاخذ لك وحده هبة ريح في بيت ابوها ولما تتزوجها ماتبغى تسوي شي ببيت زوجها لانها تعبت ببيت ابوها

بالتوفيق

وليه ماتتعلمين من قبل الزواج الرجال يتعب علشان يحصل وظيفه تغنيه مستقبلاً وتغني زوجته ولاحصل وظيفه يتعب ويتحملها علشان يجمع حق الزواج
والبنت ببيت اهلها حاطه رجل على رجل وابسط الاشياء بالبيت ماتعرفها ولاكلفت نفسها تتعلمها قبل الزواج !! انا اشوف هالشي مو عذر الزواج مفروض الطرفين كلهم يتعبون علشان بعض من قبل الزواج والله ان الواحد يشيل هم ويحاول يحصل افضل وظيفه علشان بس ينبسط مع زوجته مستقبلاً ويطيح بوحده ماتعرف شي
شي يحز بالخاطر دليل انها ما اهتمت له ولو اهتمت كان تعلمت من قبل تعيش معه

انا قصدي بالسنع مو اني بعتبرها خدامه بالعكس يعني اثنين ببيت واحد مافي شغل كثير لكن كون البنت متعلمه وتهتم لبيت اهلها دليل على نضج عقلها وهذا واقع اتوقع الكل شايفه والشكاوي هنا بالمنتديات وغيرها تثبت هالشي هذي وجهة نظري

مو مشكلة.. لك الحرية بالاختيار اذا كانت هذه اولوياتك..

وكل الانواع هذي موجودة وبكل المقاييس العشوائية

بس لعلمك.. اهمال البيت مشاكله قليلة جدا بالمنتدى اذا كنت بتقارن بالمشاكل الاخرى

مثل الاحترام بين الزوجين والعلاقة الخاصة وغيرها

لذلك هذا التاهيل اهم لانك تستطيع ان تتعلم الطبخ والنفخ وغيره لكن لا تستطيع ان تعلم الاخلاق وتربي من جديد على الاحترام

وغالبا هذه الامور هي الدافع الاكبر لخراب البيوت لذلك لا تغيبها

مشكوره قلتي اللي بداخلي ^_^

بصراحه مدري ليه الرجال متخوفين من انو البنت ماتعرف شغل البيت وهي تقدر بيومين تتعلمها


اما التفاهم والاشياء الأساسية حاطينها على جنب وهي الاصعب

عالعموم ربي يرزقك باللي تتمناها

لأن التفاهم يكون من بعد الزواج بالعقل يعني كيف بعرف اني بتفاهم مع هالبنت وانا اصلاً ماعاشرتها او كلمتها حتى !!

طيب اذا هي ما تعرف أبجديات الحياة الزوجية، كيف تبغي الرجال يتفاهم معاها..؟
وليش تجي تتعلم في بيت زوجها، ليش ما تجي متعلمة وجاهزة..؟
يعني كانت في بيت اهلها تخترع قنبلة نووية..؟ ما كانت تعرف أنها بتتزوج وتسير مسؤلة عن بيت وأسرة..؟

خلو ردودكم بدون تحيز لبني جنسكم

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

والله محد ضربهم على ايدهم وقالهم تعالوا تزوجونا

اذا هو شاري البنت ياخذها بعيوبها او يدور على وحده غيرها

الوحده يعني ماتاخد راحتها لا في بيت اهلها ولا ببيت زوجها !!

لعلمك اللي مرتاحه ببيت اهلها وانتقلت لبيت زوجها تشتغل احسن من اللي كانت تشتغل ببيت اهلها بسبب انها تقول خلاص ارتاحت بما فيه الكفايه ولازم تتعلم 😊

وجهة نظري مو لازم احد ياخذ فيها

وان شاء الله تحصل وحده عمرها مناسب لعمرك وسنعه

غلطانه مع احترامي الشديد وهذا الكلام من واقع تجربة ناس قريبه لي اعطيك مثال واحد تزوج بنت مدلله ولاعمرها اشتغلت وبالاخير البيت حوسه ولاتهتم الا بنفسها ومو متعوده على المسؤلية طلقها وتزوج غيرها معروفه بالسنع والشغل الزين البنت من تزوجها والله ان كل الناس جالسين يمدحون بالبنت ويثنون عليها البيت تغير وزوجها صار يعزم الناس قبل يتفشل وتغير اسلوبه وطبعه وتغير هو كله لأنه تزوجه انسانه متهمه ببيتها وناضج عقلها مو بزر حتى اساسيات الحياة الزوجية ماتعرفها
وغيره كثير
نعم اتقبل زوجتي بعيوبها بس العيوب الي فوق قدرتها مو العيوب البسيطه مثل اساسيات مثل طبخ وترتيب كلها اشياء مقدور عليها
وبالنسبة الي تقولين الوحده "ماتاخذ راحتها لاببيت اهلها ولاببيت زوجها" الزواج مو لعبه انتي مسؤلة عن بيت وبيجيك اطفال وبتكونين مسؤولة عنهم اذا كل تفكيرك براحتك بس مصيبه

وبعدين الله يالشغل الي بيجيها شي طبيعي كل زوجين اول سنين حياتهم ماعندها شغل كثير بيت صغير ومافي الا هم الاثنين اذا مو قادره تسوي ابسط الاشياء مصيبه ذي