اليوم رحت لدكتورة انف واذن وحنجرة عشان مشكلتي مع الشخير ..
رحت قبل لدكتور في مستشفى خاص وقلت خلني اشوف راي دكتور ثاني ..
المهم .. طلعت المنظار وقالت بحط منظار بخشمج .. قلت لها لاااا ماستحمل اخاف . قال عادي مايخوف ولا يألم كثير .. قلت لها انزين بنج موضعي .. قالت مايحتاج وماعندنا .. المهم هي اصرت علي وقلت يالله اتوكل على الله يمكن فعلا ما يألم .. بدت تدخله وانا اسمي واذكر الله وعووورني وقعدت اصارخ واصيح ابيها تطلعه وهي مصرة تدخله وانا زدت في صراخي عليها خلاااص شيليه .. شالته كان تنزل دموعي مثل الشلال واصيح صياااااح من الألم مثل الطفل وجاتني دورة في راسي وصداع قوي وابي اسكت عن الصياح عشان الدكتورة تكلمني ومش قادرة اسكت بسبة الألم .. تقول لي انتي ام عيال .. وشو يعني ام عيال؟ يعني انا جربت الطلق والولادة عادي عوروني ..؟ والله اني في ولادتي مابكيت من الالم مثل مابكيت من المنظار .. ومازال خشمي يؤلمني على الرغم من مرور ساعتين .. احسه انجرح من داخل ..