رد : الاعلام يروج لفكرة
وايش المشكلة في ترويج مثل هذا النوع من القصص !! اذا مانفعتك ماتضرك !
والإعلام لما يروج لمثل هالقصص على قولتك مايقصد إنه يقولك إنهم وصلوا للمجد بيسر وسهولة ! لا يبغونا نستبدل كلمة مستحيل لـ محتمل ..!
أغلب القصص اللي قرأتها لأشخاص بدأوا من الصفر كانت جميلة ومفيدة وخرجت منها بدرس مهم إن مع الإرادة والإصرار والثقة بالله كل شيء ممكن .. هذا الكلام مش نظري مافي أحد بهاذي الدنيا تعب على نفسه وسهر الليالي إلا ما نال ثمرة صبره ..
قبـل فترة كنت عند الجراح الكبير حامد البارقي إنسان على علم وخلق ودراية بشغلته، سبحان الله بعد ماطلعت من عنده أختي قالتلي حكايته وبداياته من بياع تمر بعد وفاة أبوه ثم راعي غنم ثم جندي في الجيش الخ لما وصل للي وصله .. طول الطريق وأنا أردد في داخلي العلم يبني بيوتا لا عماد لها . . .
يمكن سمعت بالدكتور عبدالله الناهسي، اللي كان سيكيورتي في جامعة الملك سعود والحين صار دكتور فيها .. هذا النوع من القصص تعلمك إنه لا مستحيل مع الإرادة ..
وغييرها من القصص اللي تبعث في النفس الأمل مثل قصة البنت أسماء المصابة بتليف في الرئة وتداوم في جامعة الإمام بأكسجينها .. << يمكن القصة ماتعنيلك شيء لو قرأتها وتمر عليك مرور الكرام لكـنها ممكن تصنع الفرق عند مريض يعجز عن التعايش مع مرضه ويهجر مقاعد الدراسة ويعتقد إنه هو الوحيد اللي يصارع المرض ..
وعلى فكرة محد يجبرك على العمل براتب بـ 3 ألآف إلا شهادتك ..! عمره ما قابلني واحد معاه ماستر ولا دكتوراه ولا خريج كلية قوية إلا وهو متوظف وراضي ..
بالأخير / لا تحسبن المجد تمراً أنت أكله لن تنال المجد حتى تلعق الصبرا .
واستثنيت من كلامي التجار، لأن التجارة مايفلح فيها بهالزمن غير ولد تاجر ولا واحد عنده مخ نظيف ورآس مال محترم ..
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
17-03-2015, 07:09 AM
ضوابط المشاركة
العرض الشجري