امين اشراقة ومهرة ..

في عدوينك ولا فيك شوكة سلامتك من الضيقة

على ايه تكشر وليه تفكر دا العمر كله يومين، انسىىى

قلت في المنتدى وتكلمت اكثر من مرة انه تضايقني نظرات الشفقة من الناس لاني ماعندي الا بنات ..
وكأنه فيني نقص .. وكأني انسانة اقل من باقي الناس ..
انا احب البنات واموت فيهم واشوف 3 بنات شوي وودي ب6 او 7 وحتى اكثر من البنات .. وانا ببناتي ماذقت فرحة وحدة .. الا 3 فرحات .. وكل فرحة اكبر من الثانية .. ربي لك الحمد والشكر على نعمتك.. رغبتي بالولد ماهي الا عشان يكون سند لخواته ولي نظرا لظروفي وبعدي عن اهلي ومالي هنا من المحارم الا زوجي الله يطول بعمره ..
الحمدلله زوجي ماحسه من الناس اللي متعصبين للذكور .. ولا احس انه مأثر فيه عدم وجود ابن له بعد 14 سنة زواج .. انا بس اللي متأثرة من عدم حملي لاني احب يكون عندي اطفال واحب ذريتي تكون اكثر .. ربي لا تحرمني ..

سبحان الله .. أنا عاد كنت أتمنى ذريتي كلها بنات.

يعجبني لقب أم البنات .. أعتبره ميزة وكنت بانبسط لو انقال لي.

ولما حملت أول مرة .. تعاملت مع الجنين على أساس إنه بنت.

وأذكر زوجة خال زوجي كانت أول وحدة تستنكر عليّ أمنيتي إن بكري يكون بنت .. وكانت تقول: أحسن أول ياهل يكون ولد.

ما استوعبت هالكلام يومها .. يمكن لأن البيئة اللي تربيت فيها ما تعتمد كثير على حكاية إن الولد أو الرجل هو السند .. أو إن الاعتماد عليه يكون أساسي .... إحنا البنات وأمي الله يرحمها كنا معتمدين على نفسنا في أشياء وايدة .. حتى اللي تعتبر من بديهيات مسؤوليات الرجل بالنسبة لباقي المجتمعات.


لكن في كل الأحوال أحمد ربي على رزقه .. والله يحفظ لي سلطان وخواته.

__________________


اللهم طِيبَ الأثر .. وحُسْنَ الرحيل.

مريوم ياقلبي الولد يقال لذكر والانثى لمانقول اللهم أجعل اولادي صالحين يعني الذكور والاناث
حتى بالقران والسنه الولد يقصد به الذكر والانثى لو تلاحضي قول الله تعالى لما قال المال والبنون قصد بالبنون الاولاد الذكور ان شاء الله تكوني فهمتي علي

ترا انا نفسك تمنيت أجيب أخ لبناتي لما اشوف معاملة أخواني لي أحب لبناتي الاخ وبالاخير اهم شي الصلاح سواء ولد او بنت

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

افرحي فيه ضناج ومن حقج تفرحين .. الله يخليه لج ويرزقج بره وتبلغين فيه معرس وتشوفين اولاده يارب ..

بس شوك لا تظنين اللي ماعندهم اولاد ماعرفوا الفرحة ..
الفرحة اللي ربي زرعها في قلبج قبل شهر .. ربي زرعها فيني قبل 12 سنة لما يبت بنتي .. ومرة ثانية اكرمني بالفرحة قبل 9 سنين .. وربي كريم زرع في قلبي فرحة ثالثة قبل 3 سنين ..

بتضحكين من موقف صارلي قبل 12 سنة .. لما يبت بنتي كنت طايرة فيها من الفرحة .. قبلي باسبوعين بنت خالتي يابت ولد .. لما ذقت الفرحة ببنتي كنت اقول بخاطري مسكينة بنت خالتي ماعتقد شافت الفرحة اللي انا فرحتها لانها جابت ولد .. بس عشان تعرفين شدة فرحتي بالبنات ..
انا بس انكسر خاطري على بناتج وانا كوني ام البنات تأثرت وزعلت عليهم ..
تأكدي اني ماحسدتج ولا استخسرت فيج الفرحة بالعكس والله فرحانة لفرحج وقلت ربي عوضج بخالولد عن كل الامور اللي زعلتج في حياتج وان شاء الله يكون هو باب فرج لج وفرح باقي عمرج الباقي ويعوضج عن الايام اللي راحت ..

* انا مب زعلانة اني ماعندي ولد .. انا زعلانة ان حملي يتأخر.. ان شاء الله اجيب 10 بنات .. بس ادعي ربي يكرمني واحمل وارزق بهم صاحيين سليمين يارب ..

بناتيت

عندي سؤال سريع

انا واسئلتي اللي ماتخلص 😂


ليه الرجال لما يتكلمون عن نسب العنوسة.. "مع اني لا اؤمن بشي اسمه عنوسة"

يحسسون البنت العانس انها طايحة بكبودهم؟ :/

وإنتي على بالج خايفين عليها والا حاملين همها مثلاً.

هم يشوفون المصلحة وين!

وإشعار البنت إن وضعها مأساوي يسهّل على البعض تنفيذ مصلحته.

__________________


اللهم طِيبَ الأثر .. وحُسْنَ الرحيل.

فعلا فكرت بهذا..

بس ليش البنت تاكل على دماغها وتصدق؟ شدعوة 😶

المحيط الأسري يلعب دور.

وصلت الثلاثين بدون زواج وعمري ما حسيت إن عندي مشكلة.

وخوات زوجي تزوجن كبار .. وفي منهن ما تزوجن .. ولا وحدة حاسة إن عندها مشكلة .. بالعكس وحدة منهن وصلت الأربعين ولين الحين تتشرط على ماما كيف تكون ليلة حنتها إذا الله رزقها النصيب.

هي ثقة بالنفس في المقام الأول.

__________________


اللهم طِيبَ الأثر .. وحُسْنَ الرحيل.