والله يااخوي دامك غضيت النظر عن رفع القضيه ع الاقل لاتسوي زي زوج صديقتها في الاستسلام

وتحذوا زوجتك حذو صديقتها وتخرب ع بنات الناس الي ممكن أزواجهم يختلفون عن طبيعتك أنت وزوج صديقتها في الاستسلام بسرعه بدون معالجه المشكله من جذورها ....هذي نقطه

النقطه الثانيه ؛ ياليتك ماخبرت زوجتك انك بترفع قضيه ع صديقتها كان إكتفيت بأنها تنتظرها تحل مشاكلكم العالقه وبس

أما تهدد وتتوعد وانت من جنبها معليش ياليت تتجنب المرات القادمه مثل هذا التصرف....


أعتذر كلامي قاسي لكن انت قاعد تخرب زوجتك بتصرفاتك تهييييييج وتحرق وتستسلم وتضعف وهي عارفه شخصيتك لذلك مافكرت حتى تعتذر ( الحمدلله والشكر) تكفي انها عاجنتك صح ...
الله يجمع شملكم ويهدي زوجتك يارب ....

يا اختي انا ماني من جنبها لكن لكل مقام مقال

الشخص وقت الغضب يقول أمور وينوي عملها فعلاً ثم يعيد التفكير يجد انها ممكن تسوء الأحوال اكثر

وعلى فكرة هذا نوع من الشحن انك تقولي لي انت من جنبها الكلام يؤثر ومباشرة راح اثبت لك العكس

لا انا لست من جنبها وسأفعلها فدام خاطري هدأ خليه هادي مالي خاطر اضر احد

ولا انا شاورت وسالت وتوصلت اني بكل سهوله اقدر ارفع القضية واخبرني ان على قدر الضرر يكون الحكم

وانت لست بمتضرر بضرر واضح فكلها على بعضها بتكون تعهد انها ماتتعرض لكم وبس

ولا لازم ابلاغ الخصم ويمكن مايحضر وتتأجل شهر او شهرين وعادة القضايا الصغيره مثل هذي مالها مواعيد قريبه لعدم اهميتها عندهم قضايا اهم

لما سألته لو ماحضر خصمي وش يصير يقول تتأجل ثم استدعاء ثم مايحضر واستدعاء ثالث ثم بيحكم غيابي بتعهد ويمكن غرامه

متى يحكم بسجن او جلد لو وقع ضرر كطلاق او خلع ثم اتضح انه فلانه مخببه او فلان خببها على زوجها وتطلقت واوهمها بالزواج وسحب منها مبلغ مالي بنية انه يخطبها فيه وسحب عليها هنا جلد وسجن واعادة المال للمراه

فما اعتقد ان الموضوع مستاهل اتمرمط علشانه حالياً خصوصاً اني ما ادري ايش حصل بعد ما فضحت زوجتي عند اهلها خليني اشوف اهلها وش بيسوون مع هالبنت وهل ابعدت او لا ثم بعدها نشوف

يمكن احتاج ما اكون من جنبها وكل يوم فيه مراجعات باخذ اجازه واتفضى لها

بس نشوف وش الوضع انا متأكد اهلها يحاولون يبدون السالفه مو قادرين ومو عارفين كيف

المهم اذا انفتح باب العودة لاتسكرونه بمهاتراات
خلك واضح وصريح وجاد
انت وش تبي بالضبط وايش ترفض..

كان قدامك خط للعودة يوم كلمتك امس بالواتس
بس خربتوها بتقاذف الكلام
يمكن خيرة علشان كل واحد منكم يرتب افكاره اكثر..

يا اختي والله مالاحظت ان كان فيه خط بالعودة يوم كلمتني واتس اب

انا ما اعرف لهالامور صدقاً يعني لو قالت نبي نتفاهم على وضعنا او المستقبل ممكن فهمت بس المحادثه كلها كانت ابغى وابغى وانا رديت على قد الكلام

المتفائلة ارجو ان تكون مشاركاتك اخفض صوتا بعد ذلك
دمت بود