اخواتك المتزوجات يعرفوا الي سواه أبوك؟

ليش ما اخدوا منه موقف مثلك
هدا لأنهم فاهمين انه الزوج و زوجته يصير بينهم مشاكل و يغلطواعلي بعض و يرجعوا يتصالحوا

و انت مضخمة الأمر في عقلك كأنك مسؤولة عن خلافهم

__________________

(انما يوفي الصابرون اجرهم بغير حساب )

ايه يعرفوا
كلامك صح
بس بحالتي غير
لان حتى هم مجرووحين منه و ما استبعد يكون اكثر مني
لكن بعدين لما صار فيه تفاصيل و خلافات انا م صرت اقولهم
اتعب نفسيا لما اقعد انقل اخبار توجعني او اشرح موقف كذا

الحين الامور الحمدلله هديت
و كل شي تمام ..
لكن امي تغيرت معآي و حتى مع اخواتي الصغار
صرت انا اتحمل مسؤليتهم
و مرات هي تحن ع اخواتي الصغار و تتقرب منهم شوي
بس انا!!
ع الهاااااامش
و ابوي عجززت ارجع احبه مثل قبل
ياناس هذا ابوي!!

امك تشوفك كبرت و مش محتاجة رعاية و تشوفك تساعديها في تربية اخوانك فتظن انه أمورك طيبة
و لو تعرف معاناتك اكيد ماةتهوني عليها

انت ما تدرسي؟

__________________

(انما يوفي الصابرون اجرهم بغير حساب )

إختناق
تبين نصيحه من مجربه
امي وابوي من عرفتهم هواش
وكنت ادخل نفسي بينهم واوقات هما يدخلوني بمشاكلهم
مرات اوقف بصف امي ومرات ابوي
وكنت اكثر شي مع امي
واللحين مات ابوي وندمانه قدددددددد الدنيا اني تدخلت بينهم في يوم
او كنت بصف امي عليه حتى لو كانت على حق
تو اللحين استوعب انو كان مفروض افصل بين علاقتي فيهم ك ام واب وبين علاقتهم هم
كزوجين وما كان لازم أتدخل بأي شي هم كبار بما فيه الكفاية
ويعرفون يتصرفون ويحلون امورهم وحدهم من غير تعاطفنا مع احد فيهم
انتي مالك ومال اللي يصير بينهم
عليك بإنك بنتهم ولهم عليك حق البر فقط لا غير
ومن ناحية امك هي بشر واكيد كانت صدمه لها وان شاء الله الموضوع مو محتاج غير وقت
تهدى فيه النفوس ويبرى الجرح اصبري عليها هالفتره وبترجع مثل قبل ان شاء الله
اهم شي افصلي مشاعرك تجاههم من اللي يصير بينهم وعيشي كللللل ثانيه معهم
الايام تمررر بسرعه وما نحس

كلآمك فكرت فيه قبل كذآ و اوجعتني هالفكره
اي ادرس ثآنوية
الله يجزآك خير..

تعوذي من الشيطان الرجيم واذكري الله

علاقتك بأمك وأبوك مالك فيها هم زوجين ينجازوا مع بعض

أمك وأبوك لهم عليك الاحترام والبر بهم غير ذلك خليه على الله

الموقف اللي مر عليك أي نعم صعب بس ان الله غفور رحيم فكيف بعباده

غيري طريقة تفكيرك تتغير حياتك

كنتي طفله همها نفسها اللحين كبرتي وصرتي مسؤوله بس ماتوصل لك لهذه الدرجه

النقله الكبيرة اللي صارت لك هي اللي خلتك كدا أمك اللحين تشوفك أنتي الكبيرة وسندها بهالحياة وأنتي افتقدتي حنانها

بالنسبه لحفظ القرآن مايمنع وجودك في البيت عن حفظه كل ماتسمعي لأمك حفظها أنتي اختبري نفسك معاها

ومن باب تجربة أني من كنت في ثاني ابتدائي أمي كانت تعتمد عليي في العناية باأخوتي لأني البنت الكبيرة

كنت أحس بمتعة وياهم يمكن لأني أحب الأطفال فكنت أستغل بوجودي وياهم فكنا نلعب ونستانس واللي في خاطرنا نسويه

اللعب ماله عمر محدد

انظري إلى الشيء الإيجابي من عناية باخوانك إذا تزوجتي مابيصير عندك صعوبة في العناية بأطفالك لأنك اكتسبتي خبره

بعكس البنات اللي في عمرك مايعرفوا يدبروا روحهم

وإذا صرخة عليك حطي لها عذر أكيد متضايقة من شيء حبي رأسها وقولي لها إن شاء الله يالغالية

من كلامك أحس أنتي شمعة البيت إذا انطفت انطفى روح البيت فحافظي على شمعتك

خلي الضربة اللي ماتموتك ( بسم الله عليك ) تقويك

غيري نظرتك إلى حياتك وشوفي الأمور الإيجابية فيها ودائماً شمعتك خلها مشتعلة

مسوؤليتك اتجاه أخوانك أبداً ماهي عائقك لاحلامك وطموحك

لاتكبتي روحك الكبت والبكاء طول الليل مايفيد ولا ينفع بالعكس يضر ويجب الأمراض استمتعي بحياتك بما يرضي الله

حسيتي روحك ماتضايقة سوي أي شيء يريحك ممكن حتى تصرخي بأقوى ماعندك سدي فمك بأقرب منشفة وطلعي كل الكبت اللي في نفسك

أو بالرسم أو بالكتابة أو الطبخ أو التنظيف أي شيء تحسي يخفف عنك

خططي لحياتك احنا مابنعيش إلا مره وحده ولا حد يعرف يومه لاتفكري كثير في بكره فقط تفائلي وتفاآآآآآآآئلي وتفاآئلي

وعيشي يومك وكلي أمرك لرب العالمين

ابدأي يومك بالصدقة والقرآن حتى لو آية والأستغفار واختميه بالتسبيحات والتهليلات والحوقلة

__________________
في مخافة الله رأس الحكمة

أقولك











عندي لك سحر
























يخلي أمورك كلها تتغير






















صدقيني

































ومن باب تجربة بعد




















السحرهو

















سورة البقرة


أي نعم سورة البقرة هي السحر الحلال لكل المشاكل من أقراها كذا الأمور تنفك والنفوس تهدى والعلاقات تقوى

ومنها فرصة تحفظي سورة البقرة وتردديها على طول

تحياتي / أختك أمل الأيام

__________________
في مخافة الله رأس الحكمة

السلام عليكم ورحمة الله وبركاته ..
صغيرتي انبثاق وليس اختناق : )
تتحدثي عن الجميع وتنسين نفسك ..
أخبريني ماهي أهدافك ؟!
كيف علاقتك مع الوالد والوالدة ؟!
ماهي مرتبتك بين أخوتك ؟!
كيف أثرت مشاكلهما معك ؟! أوصفي لي مشاعرك ؟!
ماهو أكثر شيء يضغط عليك الآن وجعلك بمثل هذه الصورة ؟!
فضفضي بكل ما بداخلك تحتاجين أحد يسمعك ..
فرج الله همك ..

الله يجزاكم خير ..
بعد م كتبت الموضوع بفتره تقريبا اممي تغيييييرت
و انا اخذت من كلامكم نفعني كثييير الحمدلله حتى لو م جاوبت على الاسئله
حاولت اكون انسانة ايجابيه و حطيت لامي الاف الاعذار و تغاضيت عن مشاعري السلبيه اتجاه ابوي
اعترف اني تعبت و انا احاول مع نفسي لكن الحمدلله
ما ادري ايش غيّر امي.. لكن احس انه وفاة ابن صديقتها.. لاحظتها صارت تتأملنا انا و خواتي و صارحتني انها ندمت بانشغالها خلف زوجها و نست * بناتها اغلى ما عندها بهالدنيا *
لما قالته انا م وضحت لها شي اني كنت محتاجتها او اني عتبانه عليها
لكن فعلا الحمدلله كانت هالجملة طعمها عذب تسللت للمراره الي بداخلي
لكن برضو اعترف ان تغييرها جا في الوقت المناسب الي كنت فيه على شرفة الانهياار التااام
و حاولت م ادخل هنا مره ثانيه و اقرا كلامي عشان م ترجع فيني المشاعر السلبيه او اتذكر مشاعري الي اتناسها الان..
و الحمدلله على كل حال و الله يجزاكم خير و يسعدك كل من وضع حرفة هنا ل يساعدني