هذا اللي ما احبه
ولا ودي به
وماله حل
والا كان حليت مشكلة الاحلام عندي
ما ادري وش اقول صراحة.

شوك مافهمت قصدك في الاحلام هل تحلمين حلم ويطلع واقع ...؟؟؟؟

بالضبط
احلامي قليلة وناااااادرة
ولا اذكرها
بس الحلم اللي بيتحقق هو الوحيد اللي اذكره ، ويجلس عالق بذهني لغاية ما اشوفه قدامي
بدايتي كانت في بيت اختي وقلت لها حلم ، وكانت ساكتة ما ترد وهي تشتغل بالمطبخ الظهر
العصر تحقق بالضبط
من بعدها لو اموت اختي ما تسمع لي حلم
واذا جيت اتكلم تسكتني!!
ما زلت امر باحلام تملا قلبي بالخوف
خاصة ان اغلب احلامي تحذيرية!!!

ماشاء الله ان شاء الله انه ربي يحبك هذي رؤى مو أحلام وحلو انها تحذيريه تنبهك ع امور ربما تكوني غافله عنها ....
بالنسبه للخوف حاولي تتغلبي عليه لاتسترسلي في الافكار الي تخيفك اقطعيها بالذكر بالقران ...

الرءوى تكون بشارة خير
بس الغالب عندي لا
هذي مو رءوى

الله يفرج همك شوك لكن ماتلاحضي انه الاحلام او الروى التحذيريه من الله مو من الشيطان
الشيطان بيخوفك لكن مايحصل الي حذرك منه مجرد خوف وقلق من لا شيئ لكن لما تجيك رؤيا تحذريه وتطلع صحيحه تتوقعي انها من الشيطان؟؟؟ مااعتقد

اعطيك مثالين

قبل مناقشة الرسالة باسبوعين
حلمت ان الامير سلمان بالجامعة وحضر مناقشة زميلتي وانا رحت امشي معاه بعد ما خلصت اطلبه يحضر لي فقال بعدين بعدين !!
مع انه تقرر مناقشة رسالتي ورسالة صديقتي بنفس اليوم( هذا في الواقع) لان مشرفتنا ومناقشينا نفس الاشخاص.
جلست اقول شوك لا توسوسين، ما باقي على المناقشة الا اسبوعين وكل شي تم وجاهز من حجز القاعة لتحديد الموعد ، يعني ما بقى الا انتظر بس
ومع ذلك بعد مرور اربعة ايام من الحلم يصدر قرار بفصلي من الجامعة لاني تجاوزت المدة النظامية
ويوقف كل شي
وتعالي شوفي النفسية والخربطة اللي انا فيها