ما أشوف التفاصيل مثل كذبة بوسة الرجل من الأساسيات اللي نصحوك الاخوان تركز عليها .

أخي .. الأساسيات هي الأمور اللي تخلي مشاعرك تجاه زوجتك تتغير ومشاعرها تجاهك تتغير . بينما التفاصيل هذي عبارى عن نتائج ومواقف تمثل ردات فعل للأسباب الرئيسية .

يعني أنا قاعدة أتخيل جلستكم مع أخوها ..
انت داخل الجلسة وعندك قناعة داخلية بأن صلاح زوجتك أمر مستبعد ورجوع علاقتكم مثل زمان أمر ميؤوس منه . وبأنك مو قاعد تسوي شي غلط حاليا وكل الحق عليها .

وهي داخله بقناعة بداخلها بأنك غير معني فيها كإمرأة وحاط الزواج الثاني ببالك (صدقني هي حاسه بنيتك) وبالتالي هي لازم تدبر نفسها للمستقبل القريب لما تصير مطلقة أو معلقة . وعندها يأس بنهاية مفيدة لأي نقاش بينكم فبالتالي ماله داعي الكلام .

هذي القناعات هي اللي لازم تتغير وتتكلموا فيها عشان توصلوا لحل .. اتفاق يمنع حدوث التفاصيل مرة أخرى كتحصيل حاصل .. أما أنك تطلب منع هذا التفصيل وطلب ضرورة حصول تفصيل اخر لن ينفع لأنه راحج يطلع لك تفاصيل جديدة غير مرغوب فيها تنتج عن علاقتكم المكسورة ..


مدري ليه خطرلي تساؤل ... شو راح يكون موقفك لو كلمت والدها ووجدت بأنه وقف بصفها هالمرة ؟؟ وقالك طلقها وبيتي لها مفتوح معززة مكرمة ؟

__________________