المشاركة الأصلية كتبت بواسطة الـــوحيد

يااخوان اكيد انا ماني كامل وفيني عيوب كثيره اسأل الله العفو والمغفره
لكن يااخوان انا شايف اني ماني مقصر بصراحه حتى فيه حاجات كثيره يمكن قليل من الرجال ينتبه لها انا مااغفل عنها مثل الكلام الحلو والرومانسيه واللبس والتزين في البيت
انا بصراحه مااعتقد اني سىء للدرجه اللي استاهل هالاهمال وعدم المبالات
مع اني ارجع واقولكم اني من اصول بدويه واهلنا بقرى وباديه وتعرفون كيف معاملة الرجل للمراءه في مثل هذه المناطق معامله اقل مايقال عنها انها قاسيه جدا
فـ الانسان لما يعامل شخص باحترام واهتمام المفروض ان المعامله تكون بالمثل لكن لما يشوف نفسه هو ينحرق دمه واللي قدامه ولاهمه هنا فيه مشكله
اما اللي يقول اني جاد وماعندي لين مو صحيح صح اني جاد في المسائل اللي يبي لها جديه لكن الحمدلله ترى اضحك وامزح والوضع عندي سهل
اما موضوع السفر ياناس فيه احد مايحب الوناسه
كل انسان يبي يسافر ويتونس لكن ساعات الظروف تمنع
والسفر مو من الاولويات في الحياة وخاصه اني مثل ماقلت لكم اني كنت مشغول بالعمار يعني الوضع كان صعب
ومع هذا وعدتها اننا راح نسافر
اما اللي يتفهون الموضوع ويقولون عشان الطبخ وغيره لا مو عشان الطبخ الطبخ انا جبته كـ مثل بس
لكن هي تراكمات تصرفات كثيره
اللي يقهر اني اشوف رجال نص يومهم بالاستراحات والواحد تحصلينه حالته حاله راعي بنات وراعي شراب وجميع الخصال الشينه فيه ومع هذا عنده زوجه شايلته عن الارض شيل وانا مجتهد على الفاضي

المشاركة الأصلية كتبت بواسطة عاشقة القهوة

شوف

في الزواج كل واحد يقدم اﻷشياء اللي يتمناها من الطرف اﻵخر

انت قدمت اشياء حلوة و انت تتمنى مثلها و هي قدمت ما تتمنى انك ترجع تعيده لها

اتذكر ايامكم الحلوة و اتذكر هي ايش قدمت و رح تعرف هي ايش تتمنى منك

المشاركة الأصلية كتبت بواسطة الـــوحيد

اختي ابي افهمك شي عن طبيعة الرجل
اهم شي عند اي رجل الاهتمام الاهتمام الاهتمام الاهتمام الاهتمام الاهتمام والتقدير والاحترام
اذا توفرت الثلاث كل الباقي سهل