" أسأل الله أن يقتص من كل من اغتصب فتاة كرها و ليس طواعية منها تحت عرش الملك
يوم الحساب قدام مخلوقات السماء و الأرض زي ما يقتص عمر من المجوسي ! "
^
هذي الدعوة اللي كانت بقلبي إلى قبل كم سنة ، حتى خلاص مليت ..
أنا بعمر 15 " شوف شلون الفروض أ صير حسن من نفسية هاي الطفلة "
تعرضت للتحرش من الدرجة الثانية من أحد محارمي ، رغم إني من أسرة متشددة ألبس طويل إلى الكعب و إلى المرافق ووسيع حتى بالبيت ؟ و جلبابي وسيع و أنا منقبة ،
كنت مسخنة حمى غايبة عن المدرسة منسدحة بالفراش و غرفتي مصكر الباب بس من دون قفل ،
كان أهو ساكن بملحق خارجي مؤقتاً جان أشوفه فاتح الباب واقف
أنا قاصدة أفصل عشان تعرف زين " شلون مجرد فكرة التحرش تأثر على البنت " أتمنى الإدارة ما تحذف قبل تحاول تفهم ليش
..
ما ارتحت و تلحفت زين مع إني لابسة ثوب طويل بس مب ثقيل حيل لأني أغلي غلي من الانفلزنزا
ما طق الباب و لا استأذن و حنا مب متعودين جذيه ، وقف شوي يسولف عند العتبة ثم ... فجأة ؟
إنقض علي حط رجوله على ركبتيني و رمى نفسه من عند جزئ العلوي " بمعنى شل حركتي تمااااااااااااااما " ..
و بالقبل مع وجهي ورقبتي و جزئي العلوي و كان يسوي حركة بقضة يده بجزء العلوي بين الشيئين ،
و يوم خلاص فوق اللحاف جان ينفتح باب بالبيت يطلع صوت أحد خارج من غرفته فتخرع و هرب الحمدلله ...
يعني ما اغتصبني و لا جاء شرفي
مشاعري عن تلك اللحظة ما توصفها كلمات .

النتيجة /
أنا تعبانة نفسياً الحين مب عارفة و مب قادرة كيف أتزوج ؟
لأني مب بعد هالتحرش ما أصرت أقرب و لا رجال حتى أبوي حتى أخواني و محارمي الطيبين ... تدري ليش ؟
مجرد ما أوقف قدامه ثواني يبدا قلبي يخفق لدرجة أسمع صوت النبض بآذاني و أنتفض و أحس بشوي أعياء
أتخيل أي رجال أي رجال ممكن يقز فوقي فجأة و هو يسولف زي ذاك !
تعبت بالشارع بالباص عند أي رجال نفسيتي تعبانة منهم ما تمر دقايق حتى أدور أي صرفة أهرب من المكان و إذا هو يتكلم بيحرك إيدينه عادي أفز غصب عني و أرمش من الخوف ..
مب عارفة كيف أتزوج تدري ليه ؟
أخاف مجرد ما زوجي يسوي نفس هالحركات فوق أتخيل صورته المو غايبة عن بالي وهو يسويها ..
فأبكي بطريقة هسترية يقوم يشك فيني ! و مجتمعنا العربي مب مقصر يعني حيل يشكون ويتكلمون و يفضحون البنات لو ظلم ..
ايه نفسي أتزوج حالي حال البنات بس تعبانة ومب عارفة ، يعني شلون بالله أقوله بالخطبة عن
مشكلتي مع الفراش مثلا " شوي شوي علي تراني عندي مشكلة نفسية ، أتمنى أول شهرين من زواجنا ما تقرب لي ،
أتمنى أنك تجيب بالطيب مب بالقوة زي الاغتصاب لأني رح أموت ... والله ما أقدر غصب عني نفسيتي تعبانة "
، لأنه رح يسأل ثم يشك ولو قلت محارمي بتصير فضيحة بالعايلة و القرايب ، وحتى لو ما شك الحين الشيطان بيستغل السالفة بنفسه يعيرني فيها أو يظلمني بالقذف فيها بعد عشرة سنين ، و إذا سكت عنه ؟
وسوى معي زي ما يسوي إي إنسان مع زوجة طبيعية ؟ يمكن يشوفني أفزع بطريقة هستيرية فيقول هذي أوب صاحية مجنونة و لا مختلة و لا فيها شيء .


البنت اللي اعتديت عليها لازم تتزوجها ، ومب بس هيج ،
لازم تروح تفكر طويل شلون تتعامل مع حساسيتها و صدمتها من تحرشك بيها وأهي صغيرة ،
ايه اتعب وأوب تفضل و تكرم منك ؟ أبد و لا تزعل مني " هذا واجب لأنه تكفير ظلم و ذنب أنت جنيت عليها" !
أهي مالها يد فيه ، أعيد هذا واااااااااااااااااااااااااااااااااااااجب لو تركته تصير ظااااااااااااااااالم !
حالتها الحين أوب زي حالتها لو ما اعتديت عليها و أنت السبب .
أما إذا ما تبي فالحساب أوب الحين ؟ حسابك يوم القيامة قدام العالمين إن شاء الله .


وحسبنا الله ونعم الوكيل .