بالنسبه اني ارجع له واعتبره مو موجود هذي ماتمشي معه لانه بياخذ حقوقه ويسفهني ويمنعني من كل شي وش الفايده من الرجعه بدون مايتعدل؟؟ مستحيل اقدر الغيه وانا عايشه معه ماراح اقدر اطلع مكان الا معلمته واكيد بيقهرني ويرفض لاني معتبرته مو موجود وبيمنعني من الوظيفه لو بغيت بيعيشني بسجن هذا هو طبعه ماراح يتغير وانا كنت عارفه انه بيقول ارجعي بدون شروط لكن قلت ماراح اخلي طريقه ممكن انها ترجع حياتنا مع بعض بكرامه واحترام الا اسويها وكان الرفض منه وقال برسل ورقتها بس علموني متى لان كان معي عذر شرعي قبل كم يوم والان انا على طهر لكن ساكته ماقلت عطني ورقتي بنتظر فتره واذا شفت ماتغير شي اعتقد حريتي هي الحل لكل مافيني والله يحفظ لي بناتي ولايفرقنا