اخى الاجودى

اشكر لك سعه صدرك

اولا ولدى عمره 4 سنوات و6 اشهر

عنيد الى ابعد الحدود مااعرف اتصرف معاه لانو اول طفل عندى
اذا شاف غرباء يحب يعلق عليهم ويافرحته اذا احد من الموجوديين ضحك على التعليق يجلس طول الجلسه يتكلم ولو احاول اطلعه او اكلمه بينى وبينه لانى مااحب احرجه قدام الناس كانى اكلم جدار واذا ردينا البيت وعرف ان العقاب قريب سواء كان منعه من طلعه او لعبه يجلس يصيح والله مااعودها ومع انى انفذ العقاب واكون جاده الا انه ماينفع معه لا الجد ولا اللين
طبعا لايمكن يجلس الا وهو حايس كل اللى عنده ويرفض رفضا باتا النوم بغرفته لوحده حتى لو ذهبت انا معه وحكيت له الحكايات
اول مايقوم القاه يصيح وينام عندى
وهذا كله غير الغيره لما يشوفنى العب طفل اصغر منه يمكن لانو وحيد يبغى الدلع له لوحده
وهاليومين مسمى نفسه الشقاوى

واذا فيه حاجه ماعرف لها مايحاول انه يجينى ويطلب المساعده بالعكس تلقى صوته عند الجيران
ومن 20 رمضان وهو يقول لى انا ابى اصير بنت وكل شوى القاه لاعب بارواجى ومعدم وجهه
اجلس اقول له الله خلقك ولد مو بنت يقول لى خلاص بروح لساحر يسحرنى ويخلينى بنت
بالله عليك اشلون ارد عليه؟
افهمه ان هذا كله كذب لكنه مقتنع يقولى تعالى شوفى سبيس تون وشوفى كيف يسحرون
لاتقولى امنعيه عن سبيس تون لانى منعته وماقدرت اشتغل بالبيت منه
يعنى يمكن الحمدلله الحاجه الوحيده الزينه فيه انه دايم يصلى ويحب روحه المسجد
هاذى المشكله باختصار وانا جاهزه للاستفسار

__________________