متزوج مند سنتين
مشكلتي مع اهل زوجتي بالتحديد امهاا
اسلوبها استفزازي ولمن ارد عليها تقول انت ما تحترم الكبير ولمن اسكت تتمادا
بعد زفه الشبكة تقولي تعال شيل العربيه طلعها فوق الذهب الشبكه تقولي الطقم خفيف القاعه مو كويسه فندق 5 نجوم
الصور حقت الفرح والشبكة ضاعت وتقول بفلوسي خيلاني ناوين لزوجك
الفلوس والعديه تاخدها منها
تخرجها وتجي البيت وتاخد ملابس للفرح بدون ما اذني ولاكثر من مره
تدخل اختها انه لازم توقفيه عند حده مسوي زي عم فلان وفلان
اخوها يغلط عليها ويدافع عن امها
اخذوها من بيتي للهدا من غير ما حتي يقولو اتفضل
يقولولها لا تتصلي عليه هوا المفروض الي يدور
لانة خسران دم قلبه في الزواج
هاتي ملابسك وارتاحي عندنا
هوا ما اشتراكي بفلوسه
هوا عنده فلوس وراتبه ليش ما يشتري لك ويسوي لك
هوا وابوه يبغوكي زي الخروف
عمها اعطاها طقم هديه تقولها خدي طقم الذهب من عمك ودسيه عند بنت عمك زوجك لا يشوفه وانا بعدين اخده منها
تسوي مشاكل وبعدها ما ترد علي الجوال ولمن ترد تكون مفجوعه
قبل فتره جات زوجتي تقولي انت كداب
وفهمت منها ان اختهت سوت فتنه تقولها زوجك سافر امريكا وما اخذك معاه
تقولها ليش تتروشي كثير
لا تستقبلي اهله
انتي كنتي عندي مرتاحه
تجيب الشرطة لو ما جابك اليوم
اخر شي بعد ما ولدت انا كنت ابغا ترجع بيتها
اهلي واهلها اصرو انها تروح ترتاح عند اهلها
وافقت وسويت لها كل شي كويس
احضرت لها الخضروات والفواكه والذبيحه
كل من جاهم البيت يسئلون مين سوا لهم هذا كل شي كويس
ورجعت البيت بعد شهر من الولاده
بعدها قالت امي مسويه عزيمه بعد يومين لازم اكون موجوده
قولت مافي مشكله بعد العزيمه بيوم احضر الونيت ونحمل كل الاغراض حقتك عشان خلاص ترجعي البيت واتفقنا
بعد العزيمه رحت العصر ادق محد يرد المهم قالت تعال المغرب ( محاوله استفزاز ) ليش المغرب والونيت والعمال معايا يحملو الفعش
المهم امي تقول لا تيجعي خلكي مرتاحه عندنا
ايش دخلني في امك المهم يالله انا عند الباب انزلي
صممت انهت ما تنزل وقولتها لو ما نزلتي انتي ما تلزميني ومالك دخله عندي في البيت
قالت انا ما اتهدد وانقلع

وعليها الان شهرين والكل مطنش

علما اني نصحتها ونصحتها وفهمتها كل شي بدون ما ادخل اهلي لمده سنه وانا ساكت ما ابغا فضايح واهلها يخربو

لمن دخلت اهلي امي نصحتها وابويا وانا يعني كانك تكلم جدار

لحياه لمن تنادي

الان افكر بعد الحج ابدا في البحث عن زوجه اخري

علما ان ابوها رافض يتدخل ويقول انا مالي صلاح
خالها حضر ام نستفيد منه
وعمها قالي روح اشتكي اللجان الاصلاحيه
ما الحل في راأيكم يا جماعه الخير