لا زلت ارى أن تصرفات زوجتك منبعها جرح منك أو محالة لايصال رسالة لك .... تصرفها مع الناس بشكل عام يدل على معدن طيب .. ولو كانت الأمور بينكم طيبة كما كانت بأول 4 سنين زواج لرأيت معدنها الطيب هذا في تصرفاتها معك .
مسادعتها في دفع رسوم مدرسة ولدكم هي مساعدة لك بشكل أساسي وليست للولد ..فأنت الملزوم بالقسط.
لو أنها كانت بالسوق مثلا وولدكم طلب منها سندويش أو لعبة وبخلت بها لربما . ربما نظرت للأمر على أنه بخل منها على الولد .

عموما سوء العلاقة يبنكم وصل تأثيرها لأولادكم دونها أهملت بهم أيضا ,

أعذرني فمع كل تفصيل جديد تتكرم علينا به أخي الفاضل لا أستطيع أن أرى إلا تصرفات زوجة محبطة يائسة من نجاح علاقتكم فما الذي أوصلها لهذا الحال ؟
أجب على تساؤلي بينك وبين نفسك بكل أمانه فتبعات انحدار علاقتكم لن يعاني منه إلا أنت وزوجتك وأبناؤكم ..
أما نحن أعضاء وعضوات المنتدى هاهنا , فسنمضي بحياتنا وربما لن نتذكر موضوعكم .

__________________

اخي ركز على مشكلتك الاساسيه حسيتك بديت تتفرع جداً ..يا اخي هذا مالها وهي حره فيه...ماهي ملزومه تدفع ولاريال للبيت ترا وهذا الشرع ..والا الشرع ماتعرفونه الا بحالات وحالات...هي غلطانه معك ب صدها عنك وتعاملها بجفاء بس اترك موضوع الماده على جنب..

اختي الكريمه انا ماتكلمت بموضوع الماده الا لما سالتني احد الاخوات
اما قولتك هي حره بمالها صح كلامك وانا بعد حر
وزوجك حر بعد بماله يعني لو مره طلبتيه شي وقالك مااقدر او مامعي فلوس وجاب طقم ذهب للشغاله بمناسبة يوم ميلادها او فستان لجارتكم من باب الاحسان للجار تذكري انه هو حر بماله

واما الحقوق اختي الكريمه بين الزوجين لاتؤخذ بمعنى انت عليك حق وانا علي حق

لا،، زوجي ملزوم يصرف علي حتى لو كنت غنيه..وانا ماني ملزومه اعطيه ولا ريال حتى لوكان فقير..الا ما اطيب به نفساً.ارجع للشرع وتأكد..والله يكتب لك مافيه الخير ..

ادري انه ملزوم يصرف عليك ولكن ملزوم باكلك وشربك ولبسك لكن مو ملزوم يدلعك بهديه او ذهب او حتى فستان غالي نعرف الشرع الله يجزاك خير
وليه زعلتي عشان قلت يعطي الشغاله طقم ذهب ليه عادي عشان نقولك يابختك بزوجك انسان خيير

الله يجزاك خير على دعوتك

ياليته يرحمها ويعطيها طقم ذهب مسكينه وربي تستاهل

الله يرزقها يارب ويحنن قلب زوجك عليها ويجيب لها رشرش مو طقم بس << قديم

اختي بيتا الظاهر انك ماقريتي كلامي بشكل جيد
اولا اختي الكريمه انا ماتظرقت لموضوع المال الا بعد سؤال احد الاخوت
ثانياً انا اعرف ان مصروف عيالي ومدارسهم الخ انا اللي ملزوم فيها وانا ان شاءالله ماني مقصر
واصلا انا مااقبل انها تصرف ريال على عيالي انا ذكرت اني طلبت سلف لان وقتها ماكان معي فلوس ماطلبت انها تسدد القسط مثل ماتفضلتي وعلى قولتك هي حره بفلوسها اكيد قالت مامعي وقلت خلاص اجل ان شاءالله على الراتب اسدد القسط وانتهى الموضوع لاعملت مشكله ولاتكلمت

واما بقية كلامك اختي الفاضله واحساسها بنهاية العلاقه فـ هذا الشي يجب ان تحسه لانه صحيح
وانا بالفعل انتهت العلاقه بالنسبه لي ولو كانت غير رسميه