شوفي حبيبتي لما الواحد يجبر نفسه يعيش حياة من داخله مو مقتنع فيها هنا بيظلم نفسه ويظلم شريك حياته

زوجك طيب وحنون الله يرزقه ويعطيه على قد طيبه وتعامله معك لكن تحرمين نفسك من الذريه لإحساسك بالذنب صعب

لاتحسين بالذنب ولاتفكرين إن الله ممكن يعاقبك على طلبك الطلاق

ومو معناته تطلقتي منه وتزوجتي ثاني بتاخذين واحد يطلع عينك إنتي ماظلمتيه

زوجك فوق عقمه مريض الله يعافيه ويرفع عنه فكري بعد 20 سنه هو يبي من يهتم فيه وإنتي تبين من يهتم فيك وماعندكم عيال

أستخيري ربك أولاً وأبحثي أكثر عن علاج وإذا حسيتي نفسك خلاص وصلتي لآخر الطريق

تكلمي معه بكل حب وقولي له أنا أحبك وماشفت منك إلا كل خير وماراح أنسى عشرتك الطيبه لكن إحساس الأمومه يلحّ علي

وأنا لو أستمريت معك يمكن نوصل لمرحله نكره بعض خلينا نتفارق وإحنا حبايب وإدعي له إن الله يعوضه العوض الطيب

وأكيد بينجرح ويبكي ويمكن يترجاك لكن أختاري الأفضل لك وله وفكري بوضعك بعد عشرين سنه والله يدلك على إللي فيه الخير