بكتب لكم آخر المستجدات ..
كلمت عمي الكبير اليوم
و سألته اذا كان كلم اخوي او لا ؟
قال ايوه كلمته اليوم جاني المكتب ونصحته و ناقشته ب أفكاره
وقال لي انه هو غلطان و وعدني يعتذر لكم
وماراح يمد يده مره ثانيه

بعدين سألني : جاكم يعتذر
قلت له : صراحه هو اول ما يدخل ونسمع صوت الباب ننحاش لغرفنا
ونقفل علينا يعني ماعطيناه مجال خايفين منه

قال : لا لا لاتخافون خلاص مو صاير شي باذن الله
بس هو يبي يبي يفرض شخصيته و انتوا عطوه جوه لين يجي ابوك
و حاولوا تنظفون البيت
قلت له : عمي تراه كذاب بيتنا طول الوقت نظيف
وامس عمي لما جانا قال نفس الكلام ، ترا ماخذها حجه

قال : المهم انتوا اخوان والحمدلله الموضوع انتهى على كذا و و

قلت له : طيب في فستان تسلفته من بنت خالي ابي ارجعه لها
تبيه لبكره
شسوي

اخاف احتك معاه و يسوي شي يخوفني ؟

قال عادي كلميه و اطلبي منه و عطيه جوه انه المسؤول اذا ما رضى
خلي السواق يودي الاغراض وكلميني و بتفاهم معاه مره ثانيه !

...

رحت ارسلت له مسج
انو : السلام عليكم كيفك ان شاء الله بخير
عندي اغراض ودي توديها لي واكون لك شاكره !



و نشششوف ايش يصير : )

و ابوي قبل شوي دق يسأل علينا
و ربي قطع قلبي بكيت بكى !

لانه سألني عن كل شي
وقلت له لو تشوف وجهي الحين كله كدمات
وعيني بعد

قال لا حول والا قوة الا بالله
حسبي الله عليه
لاحول ولا قوة الا بالله
قعد كذا يكررها
حسيته تضااااااايق مرررررره : (

مره حزنت عليه و على امي
بكيت عليهم قطعوا قلبي ..
بالله ايش يستفيد من حركاته معانا ضيق صدورهم وهم مسافرين ينبسطون !!

حتى قبل امس لما ضربني
قال انا كنت اعلم امي كل شي اول بأول
قلت له غلط تصرفك ليش تشكي لها تضيق صدرها ومشاكلنا تافهه
وبعدين حركات مبزره اني اروح انشر غسيلي
خلاص مشاكلنا بيننا
قال لا امي لازم تدري بكل شي ولازم تعرف حقيقتكم !!




و ... الحمدلله الحين نحاول نستانس قد ما نقدر
عزمنا صديقاتنا وبعد شوي بيجون نبي نغير جو : )