الا بالعكس ردي ياعمري يهمني ردك ، و رد اي شخص يحس عنده اضافه
مو شرط تكونين معاي من بداية الأحداث وانا مانزلت المشكله الا عشاني اطمع تفيدوني لو ب حرف
( أن تأتي متأخرا خير من أن لا تأتي ) هذي قاعدتي : d

- صح كلامك كثير تصير مشاكل بين الاخوان ومو بس بين الاخوان
بكل العلاقات كذا طبيعه الحياه بس في اشياء تحسين لازم تحطين لها حد

- الحمدلله على هالنعمة الله يحفظهم اعمامي ويطول ب اعمارهم

- شوفي انا ما اعتبر نفسي فشلت مع اخوي ابدا
لأن طبيعة الحياه بين جزر و مد ( ولقد خلقنا الإنسان في كبد )
يعني هي مشكله وصارت ما اعتبرها فشل لأنها جزء من طبيعة الحياة ككل
انا ماني في الجنه عشان تكون حياتي كامله
واحس هالمشكله خيره خيره خيره و رحمه من ربي
لأني سبق و قلت اني قدمت ع الابتعاث وانتظر اسمي يطلع خلال هالأسبوع
طيب افرضي ما صار هالموقف و رحت سافرت معاه واندبغت هناك ههههه ؟؟

الشي الاخير - سبق وكتبته ب رد سابق
الاهل الام والاب والاخوه والاخوات والاقارب هذولا اشخاص محوريين
مهما توترت علاقتك فيهم خلي بينك وبينهم جسر من الموده لا ينقطع وخلي في خط رجعه
لسبب واحد ( ان الله سبحانه و تعالى وصى بالرحم )

و ترا مريت ب مرحله الذبذبه مع الام و الاب هههههه يعني عادي
ما انولدت وحياتي كامله وممتازه والاشخاص اللي حولي رائعين وعلاقتي فيهم رائعه
كله يبي له مجهود

و تمر الايام و نكبر ونتطور في ديننا ونقرب من الله اكثر ونصير نتجاوز و نعقل
والحمدلله على كل شي

- جزاك الله خير على كلامك الطيب الله يجبر بخاطرك زي ما جبرتي ب خاطري
بس ممكن توضحين لي اكثر يعني من كلامك عن نفسك فهمت ان حياتك صار محورها الابناء و الزوج فقط قصدك ودك يكون لك انشطه خارجيه ؟؟


- شوفي انا دخلت عمي الكبير فقط
وعمي الصغير درا من اخوي
و اثنينهم كانت ردة فعلهم حلوه يعني نصحوه بطريقه مهذبه و عاتبوه
وانا كنت متأكده من هالشي من ناحيه اعمامي بالذات ان ردة فعلهم بتكون حلوه
لاني اعرفهم زين

بالنسبه لخوالي شوفي معاملته لي مو اساسها تحقيرهم
وهم ما يحقرونه بالعكس جدا يحبونه
بس كانوا يقارنونه فيني من باب انه ودهم يتعدل ويخجل
وكانت كل مقارناتهم ب نبرة عتب او مزح !
بس انا شخصيا اعتبرها شي يجرح و شي وارد انه يكون كلامهم اثر فيه
بطريقه سلبيه لانه كان يضربني وهو يقول انا حاقد عليك من زمان وشايل !

- اللهم امين شكرا لك على دعواتك الحلوه
بس لازم ترجعين تجاوبيني ع سؤالي بخصوص حياتك
قلبناها سوالف ههههه