المشاركة الأصلية كتبت بواسطة ام مريمي

اخوي ،، مثل مااقترحت عليك بالسابق ولا تخلي نفسك بدوامة .. انا ماعندي قناعه ان كل شي نحس فيه او نحس بالنفور او نعاني اي مشكلة نحطها على شماعه الحسد والعين والخ!

انت انسان فاهم وناضج وبعمرك انا اعتبرك شباب و عندك من الافكار الالاف منها ..
غير روتينك ، اقترح على زوجتك تسافر لاهلها لاسبوع او انت سافر لاسبوع ع الاقل للعمره وضوف نفسيتك ؟ تحس باشتياق لها ؟! اذا نعم فمعناه هو مجرد تعويد تعودته انت لسنين طويلة وجاء الوقت للتغير المتدرج لانك خطبتها وبعدها مباشرة زواج استقرار ومايتبعها من امور وكنت انت معتاد على زواج يكون من بعد ..

اعطي زوجتك يوم تفعل ماتشاء فيه وتكون الآمرة الناهية لحتى تحس بقوتها وتحسسك بثقتها وتعيد اعجابك فيها ...

دائما بين لها اعجابك مو بس عشانها لا عشان انت تتعود على وجودها وان كلماتك راح ترن اذانها بوجودها او بعدها ..

سافر انت معاها لوحدكم واترك الاختيار لها وحتى تخطيطات السفر وخلها تكون مفاجأة لك بمكان السفر وبجذي بتحس بانجذابك وانبهارك لدرجة تفكيرها وتفننها بالسفرة ..

داوم على الاستغفار والدعاء وقرآءة القرآن الكريم ،، لا تيأس ولا تعطي نفسك منفذ واحد وهو الطلاق لان بمجرد انك تطلق هالزوجة راح يتكرر عليك الامر مع الجميع ..