المشاركة الأصلية كتبت بواسطة لكل شي حد

مهره حبيبتي... انتي قريبه و انا مب قادره اوصل لج....

يا ربي لو اقدر بس التقي فيج و نقعد في كوفي و اسمعج لييييين تخلصين..

كوفي مرة وحدة؟!!!!

أنتي بعقلج يا بنت؟!!!

لو بس تشوفين كيف ردة فعله لما كنت أطرح الفكرة بس .. مع إني أطرحها بمزح لأني فعلياً ما عندي حد أطلع معاه أساساً .. ومع ان خواته كلهن يطلعن كوفيات ومطاعم والحياة حلوة يعني.

اعرف وحدة انتقلت من حوالي سنتين لمدينة قريبة مني .. وصار في إمكانية للتواصل بيني وبينها بحكم قرب المسافة .. زرتها في بيتها مرة .. وبعد ما رجعت قلت له: وايد استناست اليوم .. ان شاء الله اكررها ..... قال لي: في المشمش!

مع اني اطلع بروحي أو مع عيالي لما يكون في الدوام .. أقضي مشاوير واخذهم المول واسير معاهم مطاعم وكوفيات .. وعمره ما اعترض.

حتى زيارة أهلي اللي تمر عليها شهور وشهور .. تحسين كأن يقرصه ثعبان لما أقول له إني أبا اسير!!! .. كأني أسير لهم كل يوم!!

هو الظاهر عنده مشكلة ان يكون عندي علاقات.


أتطلق الأول فديتج وعقبها إن شاء الله تتيسر الأمور.

انتي داخلج بركان هايج الحين...

ما تقدرين تقولينها صراحة له... عادي حبيبتي... الطبع السخيف و عزة النفس و الكرامه و ان ليش هو ما يحس مثل ما انا احس فيه.... هذا كله عادي..

هو في الحقل ولا في بيته الثاني؟ انا ما رجعت اقرا كل الاحداث.... فما اعرف منو اللي تمت معاه للحين...

هل في امكانيه انج تكلمينه "كتابة" بس و هو معاج في نفس القعده؟