هبه سالم : الله يسعدك حبيبتي ع ردك
بخصوص الصلاه لما يكون يأذن واذكره فيها يمسك جواله او يفتح التي في ويطنش واحيانا لما يكون سهران لوقت الفجر ويكون باقي ع الصلاه اقل من نص ساعه ويدخل الغرفه اقوله مو باقي كثير لا تنام يطنش ويتغطى كأنه ما سمع ، بصراحه صرت استحي انصحه واناقشه بهالموضوع 29 سنه مو صغير ولا جاهل وينصح اخوانه وهو ما يلتزم فيها، صرت افكر لو كبر ولدي ان شاءالله وهو ع وضعه شلون اربيه ع الصلاه والمسجد وابوه كذا ؟ امنيتي اشوفه حريص عليها مثل حرصه ع امور الدنيا الثانيه

بخصوص الفلوس انا اكره ما علي اطلب فلوس من احد ما تعودت ولما اطلبها منه من تعابير وجهه يتضح لي انه مو راضي حتى لو المبلغ بسيط ف صار عندي توتر من هالشي وتأزمت نفسياا صرت اقصر ع نفسي وبيتي اشياء احتاجها كلها من اسلوبه وتحقيقه، ولما تقولين ( ايش يقولو الناس عني ، زوجك بخيل ؟) رده علي بيكون وانتي ايش عليك من الناس وممكن يكون سبب انه يقصر علي اكثر لأن بباله اني اخذ واشتري عشان الناس هذا تفكيره

بالنسبه للوشن والشور جل وهالاشياء انا ما اقصر اجيب له ويستخدمها احيانا ع حسب مزاجه كمان اللوشن لما يطلع من الشور انا اخذ اللوشن بنفسي واحط له اما العطور ف نفس الشي لكن ما يعترف فيها الا اذا طالع من البيت فقطط مع اني دايم اقوله احب ريحة عطرك هذا وهالعطر يصلح مناسبه وهذا دوام وتعال اجرب لك هذا وووو لكن ما نفع معاه


....

احبك يا ربي : الله يجزاك الجنه ع ردك
بخصوص احد يتدخل من اهلي صعبه ، اعرف اهلي لو قلت لهم راح يمشون لي مصروف من غير ما يدري بس مستحيل يكلمونه، قبل فتره ايام حملي بالشهور الاخيره كنت اتكلم مع امي بموضوع ولمحت لها ان المصروف مو بكيفي ف لاحظت انها بدت تشتري لي من عندها حتى ان اغلب تجهيز الولاده من حسابها وصرت اقول لزوجي ان امي جابت لي كذا وكذا ابيه يقول خذي هالمبلغ حقها واعطيها بس كل رده اها كويس لأنه ما يبي يدفع

اما الصلاه ف للأسف ما يصليها الا نادرا جدا ما عدا يوم الجمعه غالبا يروح لها


....

ريتاج جزاك ربي كل الخير ع وجودك
بخصوص الكلام ما بقيت اسلوب ولا وقت جربت اللي يناسب واللي ما يناسب وكلها من دون نتيجه لأني مثل ما قلت انه من النوع اللي يتفاعل ويقتنع وقت النقاش فقط وبعدها ينسى كل شي

اما الصلاه ف انا احاول وربي اني دايم اصلي بوجوده حتى لما يطلب مني شغله اقوله اوك بس 5 دقايق بروح اصلي وارجع لك والحال ما تغير لأنه الله يهديه يصلي بمزاجه مو نسيان ولا انشغال

وبالنسبه لطريقة المعامله ما اعامله مثل اهله بالعكس انا ولا مرا رفعت صوتي عليه او صار بيننا نقاش حاد ويمكن هو ما صار يستقوي علي الا لما شافني ضعيفه كذا
نفسي اكون قاسيه ولساني طويل وارد عليه بوقته ع الاقل ارتاح نفسيا شوي بدل ما تجي بخاطري وانا ساكته

مرت علي نفس المواقف الي ذكرتيها
شكلها تتكرر كثير في مجتمع الصحراء

ودام هذا طبعه ماينفع معه السكوت ولا تعطينه فوق حقوقه اي شيء
وردي الظلم والاذى عنك
وطالبي بحقوقك باكثر من طريقه
بغنج بدله واذا مافادد زعل وعتب و شوفي ايش يجيب معه

بس السكوت وانك طيبه ومسالمه مايصلح مع هالنوعيه
ينفع معهم المكر والحيل

بخصوص طلب المصروف لا تتحرجين
ولا تخافي أبدا من ردة فعله

هو ملزوم بك
والقوامه أعطيت له (بما أنفقو من أموالهم)
وانتبهي لردة فعلك

عندما يرى قلقك وتخوفك واستحيائك في الطلب تصل له رساله أن طلبك غير هام

أما اذا طلبتيه بوضوح وبوجه منبسط ومرتاح وبدون تبريرات , انتبهي بدون تبريرات وكلام كثير سيقتنع بأهمية الطلب

مثلا ستذهبين لأهلك قولي اعطني مبلغ 1000 احتاجه لشراء كذا وكذا

عبارة مختصرة وموجزة

ولو رفض أو ماطل لا تنحرجين فأنتي لم تفعلي خطأ , لكن هذكذا هم الرجال
تجاوزي كل حلطماته وعباراته
ومن الغد اطلبي من جديد


واعذري ردي المستعجل , لم أشأ أن اخرج دون جواب

اختي اذا على المصروف لا تطلبي بشكل مباشر
اكتبي كل متطلباتك ومتطلبات ولدك على ورقة واعطيه اياها وضعي على الاكثر اهمية خط والاكثر خطين واكتبي اشياء تافهة ضمنها لانه اكيد ان كان بخيل رح يحذف منها اشياء و بالتالي يبقى الاهم وممكن انك تضعي جنب كل شئ سعره
اما انك تقولي جرب كل شئ انت ليساتك في بداية حياتك يعني ما تعرفيه وهو لا يعرفك جيدا
اذا موضوع التطنيش جاب نتيجة انت تفنني فيه يعني خلي علاقتكم رسمية ضحكتك ما يشوفها ولا تتكلمي امامه الا وقت الضرورة القسوى
كما انصحك تخفي اشياء احتياط قبل ما تنتهي وتكتبي على الورقة
لا تظغط ي على اعصابك مقابل ارضاءه
خاصة اشياء الولد من واجبه ان يؤمنها ممكن ان كان يستحي من اهلك ان رفض يشتري شئ قولي ساطلبها من والدي رح ينحرج و يجيبها غصبا عنو انتبهي ان يكون طماع فيطمع في والدك اي يجب ان تجس النبض ان كان يستحي او لا
كما ان مقتنعة تماما ان الحل مع الرجل البخيل هو عمل الزوجة

توقعت بيجيك هجوم ان مشاكلك بسيطه وانك تدلعي الحمدلله المنتدى طلع واعي
وانتي واعيه وحابه تغيري
بصير عمليه مافكرتي تدوري وظيفه

اعانك الله حزنت عليك والله بس خذيها قاعدة إذا مارحمت نفسك زوجك ماراح يرحمك كنت تعبانة تمددي على السرير وهو يدبر نفسه مو انت تدبري نفسك إذا ماعنده احساس حسي انت بنفسك وخليها في المرتبة الاولى ... على العموم من ضيع حق ربه فهو لغيره اضيع .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

قانعه ... سماء العداله ... ريتاج ... مبتعثه متفائلة ... طيبة الطيبة

شكرا من كل قلبي ع تفاعلكم ونصايحكم الله يسعدكم

بخصوص طلبات الولد فهو يوفر الضروري من بامبرز حليب فقط ،، لكن من ناحية مواعيده وتطعيمه بالمستشفى مهمل فيها ويماطل كثيرر ولا يهتم

اما الوظيفة انا عندي ماجستير وجتني وظيفة حكومية وتناسبني كثيرر اول ماتخرجت وكان قبل زواجي بكم شهر لكن للاسف رفضتها وانا اللحين ندمانه لكن الله يعوضني بالاحسن قريب ان شاءالله

اهلين اختي ،،
بالنسبة للصلاة ما جاوبتيني هل هو يتركها يعني مايصلي ابداً ولا يقضيها بعدين ؟؟ والا يؤخرها عن وقتها ويصليها في البيت بعد فوات الوقت ؟؟ لانه هالموضوع خطير اذا كان تارك للصلاه بمعنى تفوته صلوات ولا يقضيها فهو يعتبر تارك اعتقد ، بإمكانك سؤال اللجنه الدائمه للإفتاء بهذا الخصوص ،،
ولكن بما انه ينصح اخوانه يصلون فاعتقد ان الصلاه في قلبه لكنه يتكاسل اذا كان كذلك فيه أمل ان شاء الله ،، اذا جت الصلاه وانتم عند اهله وقال لاخوانه قوموا صلوا قولي له يالله روحوا الله يتقبل منكم وقوليها له هو ،، خليه ينحرج شوي ،، وارسلي له المقاطع المختصره التوعويه يعجبني اسلوب الاخ الفاضل مشاري الخراز ابحثي ان مقاطعه مع الصلاه في اليوتيوب كلامه لطيف جميل مختصر ،، وارسليها لزوجك ،، وكما قال الله تعالى "معذره الى ربكم ولعلهم يهتدون"

وبخصوص اخواته ليش تنحرجين تطلبين منهم يساعدونك ؟؟ اذا انتي بنفسك قلتي ان عندهم خادمه وانتي بنفسك تنزلين تساعدينهم اذا كان عندهم مناسبه ؟؟!
وربعٍ تعاونوا ماذلوا << يعجبني هالمثل هههه
اتركي الحساسيات الزايده زوجك ماينفع معه هالاسلوب اذا مااعطاك حقك من طيب خاطر مالك الا تقوين نفسك والحساسيه ارميها برا البيت وقوي عينك وقلبك طبعا القوه ماتعني العصبيه ،،
القوه ان تطالبين بحقوقك ولا تسمحين لاي احد بالغلط عليك حتى لو كان زوجك المحترم ،،
وبالنسبه للمصروف اعرف واحد من اقاربنا مثل زوجك لو تشوفين زوجته وعياله تبكين معهم :'( والله ابوهم غني والناس يتصدقون عليهم بسبب انه بخيل ،،
الاشياء في البدايه تقدرين تحلينها اما اذا انتظرتي انه بعد سنوات راح ينزل على زوجك ملااااك ويحوله الى رجل كريم
ف نامي وكبري المخده
نصيحتي لك طالبي بالاقتطاع من راتبه شهرياً وبشكل آلي من البنك
قولي له عشان اريحك وارتاح مو كل شوي اطلب منك ،،
واذا رفض وانا عااارفه ومتأكده راح يرفض دخلي احد بالموضوع ،،
والا ترى بيجيك يوم تشوفين الناس يتصدقون عليك وعلى عيالك وزوجك يجمع فلوسه لا هو اللي تهنى فيها ولا هو اللي هنى اسرته ،،
وبالنسبه لخوات زوجك قوي علاقتك فيهم ووضحي لهم انك تحتاجين خادمتهم اذا صارت عندك او عند زوجك عزيمه
واعزميهم ع العزيمه يعاونونك ويسهرون معك ولاتقولين مااقدر اضغطي ع نفسك واقدري ،،
صدقيني زوجك ماراح يحس فيك ابداً
وهالنوع يبي له وحده قويه تعرف اللي لها واللي عليها ،،

ربي يسهل امرك ويهدي زوجك ،،

السلام عليكم ...
لن يقبل رجل أن تفرض زوجة اقتطاع مبلغ (اجباري) من راتبة لكن عليها أن تبي له بان لها احتياجات متعلق بالنساء تخجل بإن تطلب منه احضارها وتطلب بتأمين مبلغ شهري لها مثل 1000 ريال ومبلغ 300 أو 500 لطفل وهكذا بما أن راتبة يصل الى 13 الف احببت اوضح هذه النقطة ... لان بعض الازواج أن لم يدفع أو يعطي زوجتة مصروف شهري من طيب نفس وكرم فلن ياتي بالقوة

وعليكم السلام ,,
والله يااخوي مدري وش اقول بس الأخت قالت انها تكلمت معه مليون مره ووضحت له احتياجاتها ومع ذلك يطنش ؟! واذا اعطاها مصروف شهر راح يتركها الشهر الجاي وماتعرف كم هو محرج للبنت تطلب من اهلها فلوس وزوجها مقصر ,, يكفي نظره اهلها لزوجها !! فالاقتطاع الآلي من البنك هو الحل من وجهة نظري .
اعرف رجلا مثل زوج الاخت كل فتره تفتح زوجته نقاش المصروف ويعطيها اياه ذاك الشهر والشهر الجاي يطنش وترجع تفتح النقاش يقول لها الشهر الجاي والشهر الجاي فعلا يعطيها ثم يطنش .... وبعدين ؟؟؟
عشان كذا اقترحت عليها مثل الاخت يقتطع لها زوجها مصروفها بشكل آلي عشان ماينسى زوجها او يتناسى
ربي يسهل امرها ويهدي زوجها ..