اكبر دليل أنها خوافة هي انها قاعدة تصور سلبياتك!! ولاتعتقد ان البنت خبيثة لا والله
بس البنت صغيرة في السن وماعندها خبرة في الزواج وانت اول تجربة لها ، ومن كثرة تجارب الناس السلبية اللي تمر عليها البنت خافت من تجربتها معك!! خافت على مستقبلها معك!! ف لاتلومها!! زيد على ذلك أنها في بيت اهلها ولها ثقافة تختلف عن ثقافتك وثقافة اسرتك الكريمة عشان كذا مو قاعدين تلتقون في بعض الامور ، وصدقني طول ماهي بعيدة عنك بتعاني من بعض التصرفات ف خلك لين معها لين تجيك في بيتك ووقتها علمها باللين وباللتي هي أحسن من دون فرض او تخويف وحسسها بالأمان!! واي شي تبية تتجنبة وتبعدها عنة لاتقولها تجنبية وخلاص!! علمها ليش تتجنبة وعلل لها لين تقتنع وإذا أقتنعت صدقني بترتاح لأن لغة القناعة والحوار اكثر مايؤثر بالمرأة.

وإذا على الأسرار خلاص مثل ماقلت لك لاتعلمها وعيش حياتك واستمتع شتبي بضيقة الخلق!!

__________________
استغفر الله واتوب إليه