مشكلتك لما بديت تسمع للناس لين تأثرت

واكبر مصيبه لما صارحت زوجتك انك منحرج منها عالاقل ابلع السالفه ولا تقول لها

طيب ايش الحل ؟
انا اقول لك الحلول وانت قرر

1- تطلقها وعيالك راح يبقون عيال ........ وكأنك يا بو زيد ما غزيت وفوق هذا تعال دور وحده ثانيه وان لقيت انت ونصيبك وغالبًا اسوأ من مرتك الاولى وقتها راح تندم لحالك وتعض اصابعك من الندم ومحد نافعك وهذا غير ظلمك لطليقتك
وهالقرار يبين ان مالك شخصيه نهائيًا
وكذلك انصحك تسال شيخ بالموضوع لانك طلقتها بدون سبب وان كان عالاصل منو قال لك ان اصلك افضل من اصلها !

2- تغير نظرتك للموضوع وتصير انسان ايجابي ومحد يتجرأ يجيب طاري زوجتك اصلًا الا اذا فتحت لهم الباب واللي ما يبيك بيعه لو كان قريب باستثناء الوالدين

وكبرها بتكبر وصغرها بتصغر

حلك روح المحمكمه وشوف قضايا وبلاوي الناس واللي لقى زوجته تخونه واللي طلعوا عياله مو عياله وشوف المستشفيات والمرضى
وقارن بالنعم اللي عندك
راح تنصدم وتضحك على نفسك وتقول معقوله انا كنت مهموم لهالسبب التافه

تدري شنو مشكلتك ؟
مشكلتك ان ما عندك مشكله