مرحبا الغاليه ..



جوفي بخبرج عن اخوي ذياب لاني حاسه فيج وفي قهرج وخوفج ع زوجج .. هذا زوج يالغاليه وجي قلبج عليه فمابالج باخوج دمج ولحمج ..
عندي ذياب عسى الله يهديه تخيلي ماخلى بانكوك ولا لاس فيغاس المدينه اللتي لاتنام على قولتهم .. كله حياته بنات وفريند وعلاقات مع ربعه ومستأجرله شقه في دبي باسم ربيعه وطايح هو وربع بارتي وامور تزعل ربنا ها اخوي حبيبي والمفروض ماارمس عنه جي لانه اللي يمسه يمسني بس اباج تعرفين انه القهر اذا كتم على انفاسج يكتمها .. ماكنت اعرف بس يوم خبرني ولد اختي عن سوايا ذياب ساعتها تأكدت بنفسي وواجهته وقلتله حرام ربي بيزعل علينا وماخليت نصايح الا نصحته مافاد لين ماقالي خليفه تركيه ياروضه على راحته هو موب صغير اخر مره نصحته فيها قلتله خساره تربيه امك فيك وساعتها عصب وقالي سكتلج وايد لاني احترمج بس ماباج تنصحيني يوم بموت مابتنزلين لقبري معاي والله ياام كتاكيت يومها حرمت انصح وليومج انا كاتمه قهري من تصرفاته..

الغاليه النصيحه بهالوقت كأنه سيف بويهك مهما كان حبج وخوفج ع الثاني بيظل حمل ثقيل على قلبه .