‘ختى تبغين النصيحه ومن وحده عاشت هالتجربه ك ((مطلقه ))

وخلينى أكلمك فى العاميه على شان يوصل لك كلامى بسهوله

يالغاليه الواحد وش يبى من الدنيا غير راحته وسعادته ودام هالزواج مو موفر لك سعاده ولا راحه
مو موفر غير السب والشتم والإستحقار وعدم الحب من الزوج وش تبين فيه

أساس الزواج هو الحب والولفه بين الزوجين

الغاليه دامك توك صغيره ولا عندك عيال انصحك بالطلاق وبدون تردد لان الحياه توها قدامك

أقسم بالله عشت نفس شعورك فى التردد بطلب اللطلاق رغم إختلاف السبب ولكن تلاحقت عمرى بأنى مازلت صغيره ولا عندى عيال

والحمد لله ها أنا أستعد لزواجى الثانى عسى الله يوفقنى ويوفق الجميع

بخصوص كيف راح تعيشى بمسمى مطلقه عيشى حياتك العاديه ولا كان شىء حصل خلى ثقتك بنفسك كبيره
وخلى حياتك زى ما كنتى أول خلى من يشوفك يقول ماشاء الله ولا كنها مرت بظروف

صدقينى الناس هى من تكبر موضوع المطلقه والكلام عن المطلقه لمن فى الواقع أقسم بالله ما شفت حياتى تغير عنها شىء غير اللقب واللقب هذا ما زادنى غير قوه وثقه بنفسى أكثر

أدرى كلامى واجد بس فكرى اللى أبيه تفكرى بعقلك وتفكرى بسعادتك ولا عليكى من كلام الناس أو وش بينظروا الناس


وحطى فى بالك إن ((((((((((((((((( العمر واحد )))))))))))))))) يعينى الواحد مو كل يوم له عمر جديد

وش اللى يجبرك ما تستانسى فى حياتك ؟؟؟ وش اللى يجبرك تعيشى هالعيشه والله العالم وش راح يصير عليها بالمستقبل إذا هذا أولها

أقسم بالله لو إنى مكانك وقالها لى بالحرف إنه ما يحبنى ما جلست عنده دقيقه وحده أبدى ما على الإنسان كرامته

أدرى كلامى قاسى بس والله أبى لك الخير

إستخيرى وعسى الله يوفقك ويرزقك باللى أحسن منه

تحياتى لك