ياحطموا قلبى
والله قطعتى قلبى .. لكن الامر مش بهذه السهوله ..
انتى متزوجه وتاركه منزل الزوجيه ورافعه قضية طلاق ولك منه ولد ..
لازم علشان يتحكم بالطلاق يكون فيه ضرر تقتنع بيه المحكمه وده صعب تحقيقه لانه كما نرى لايضربك ولا يسكر او يلعب قمار او حتى تزوج عليكى ..
اذن ليس امامك الا الابراء او الطلاق على مال وممكن تسالى عليهم او الخلع ده لو استحالت العشره بينكم ..
لكن تعالى هنا .. قضية السكن دى تيجى بالاتفاق وليس الغصب لانه المفروض تروحى مطرح مايروح زوجك ثم لما الراجل ييجى بتديله الوش الخشب او ماتقعديش معاه ..
ماينفعش .. ماينفعش كده ياحطومه .. شئت ام ابيت هو زوجك وله منك ولد وله حقوق لم يستغلها ..

لازم تقعدى معاه وتتفاهمى فى موضوع السكن ولا مانع من القبول بسكن بعيد لحين مايتوفر سكن قريب ..
لازم تتكلمى معاه شخصيا وبهدوء وليس عصبيه وقولى كل اللى بيضايقك منه ..
ما حك جلدك مثل ظفرك .. فتول انت جميع امرك
واعرفى آخر حاجه تفكرى فيها الطلاق ياحطومه ..الجواز مش لعبه وصدقينى بعد الطلاق مش حاترتاحى ..
انا عندى زميله مطلقه ولها ولدين ..
لم تستطع الانفاق عليهم لقلة مصروف الزوج فتركت الاولاد عند ابوهم ..
دلوقتى الاولاد نفسهم بيقولولها ماتجيش تاخدينا ياماما احنا مش عاوزين نقعد معاكى
مشاكل كتير ياحطومه انتى فى غنى عنها
استعيذى بالله وحاولى تتعايشى معاه