صراحة انا قبل لااتزوج كنت اقول يارب عوضني بزوج حنون يخاف الله فيني ولم اكن ارسم ملامح هذه الحياه انها شي خرافي يفوق الخيال بس للاسف صدمت بداية زواجي اني طحت بزوج كان طول فتره الملكه ووقت الخطوبه يمثل بانه شخص مستقيم مايسكر ولاشي المشكله لما سالنا عنه قالوا لايفارق المسجد قلت واخيرا مادريت بالنكبه الا بعد اسبوع بالضبط من زواجي طلع راعي مخدرات ولما حملت ضربني وهو سكران وكان دايم يمد يده علي والله لما كنت اشوفه مجهزه خدودي للكفوف حتى احس اني ادمنت الضرب والحين تغير بس فيه اشياء كثير بداخلي مكسوره لن تنجبر اذا مره قللت سلبياته اتذكر ضربه لي وانا حامل وسقطت
صراحة البنت اذا مات ابوها تعشم روحها بزوجها يطلع زوجها مشي حالك بس تقول ظل رجل ولا عدمه وتمشي الحياه
لكن لاانكر ان هذي نظرتي الخاصه ومعي مجموعه من المقربات يقولون نفس وجهة نظري وطبعا اللي عندها عيال وزوجها من جنبها تصبر عشان عيالها
والطبيعي ان الناس الاجاويد يشترون رجال لبناتهم مو يشترون جيوب الرجال
يظل ماكتبته راي شخصي اختكم نبض الواقع