رد : اعتذار للجميع ....ارجو من الجميع الدخول
أخوي فارس...
يا ليتك تقرا ردي رقم 132 عدل.... و تفكر فيه عدل....
من ناحيتك...
-تحتاج توقف لوم و شكوى مستمره... محاولة حل اي مشكله ما تكون بمناقشتها بشكل مستمر و في فترات متقاربه...
-شكواها لأهلها بالأسلوب اللي انت ذكرته ما يصح و ما يجوز
-عقلية الطفله لازم توقف او تحاول تطور نفسها شوي من اول ما وافقت على الزواج
-عذر الدراسه مب مقبول لأنها تحصل وقت لصديقاتها و للتلفزيون و من حقك انها تعطيك جزء من وقتها
-انت ما زالت في حالة تخبط...
-العبايه من حقك انك ترفض لبسها لها (بدون تزمت) حتى لو كانت في بيت اهلها لأنك خطبتها لأنها ملتزمه الألتزام الديني اللي انت تطمح له
-كلامها عن ان لو قالت لأبوها انه يمنع الزواج في ليلة الدخله غير لائق تماما... و ردك عليها ممتاز جدا...
-هي مازالت محتاجه حزم و انها تفكر عدل في اللي قاعده تسويه
-أهلها يلعبون دور كبير في اللي يصير لكم من ناحية تزمتهم و عدم انكارك لأفعالهم يزيد الطين بلة عليك.. سبق و قلت لك تعلم الردود الذكيه... مثل يوم امها قعدت جنبك و سألت اذا تبي مها او امها... كنت تجاوب بضحكه ان امها عزيزه و غاليه... و لكن هالوقت انت تبي زوجتك الغاليه... تعلم فن الرد خاصة مع اهلها...
-تعلم الكتمان لمشاكلم... مافي اي شخص يعرف المشاكل لا من اهلك و لا من اهلها
-في الوقت الحالي ان في وايد بنات يتمنونك غلط لأن مع عقلية زوجتك الأمور راح تصير أسوء و أسوء
-حجج الخوف من اهلها بصراحه احس خلاص ما لها داعي... لأن فترة عقد القران صار لها عشر شهور و هاي فترة كافيه انها تاخذ راحتها معاك في الكلام
-انت في المقابل.. كثير الشكوى.. كثير التردد... كل شوي براي... مره زعلان و مره تراضيها حتى وانت زعلان منها... خلك لك راي محدد و ثابت و حازم...
-حط آمال واقعيه لحالتك.... قيمها بشكل حقيقي.. إذا رأيت ان الأمور ما راح تمشي بطريق اوكي فمن الأفضل ان تشوف لك حل جذري للي يصير معاك...
05-12-2012, 08:05 PM
ضوابط المشاركة
العرض الشجري