مشكلة بعد الشبكة باسبوع (المستجدات بالرد 8)
السلام عليكم ورحمة الله وبركاتة
كيف حال الجميع
عندي مشكلة لا اعلم هل هي بسطية في هذا الوقت او ستكون معقده في وقت اخر
كنت اتكلم مع زوجتي كالعاده
فجئه قالت لي انها تحتاج لخادمة لتساعدها في البيت
قولتلها مافي غير انا وانتي في البيت ما يحتاج خادمة و بدري عليها ومن هدا الكلام
ولمن نتقابل نتفاهم ان شاء الله قالت طيب
وكمان فجئه قالت انتم ماشاء الله في الشبكة جبتو كل شي كويس وممتاز ما عدا شي واحد
قولت لها ايش هوا
قالت الدبله وطقم الذهب وانا الي الان ما لبست الطقم ابغا طقم اثقل
انا انصدمت جدا من هدا الكلام
علما ان طقم الذهب حق الشبكة من لازورد ب8000 ريال والدبله ل 1200 ريال
المهم انا عديت الموضوع بضحك ووناسه
المفروض اليوم الا بعده الاربعاء رايح لها زياده وتعتبر ثاني زياره
دقت عليا قالت ماما تقول تبغا نروح جده ايش رائك تخليها يوم الجمعة
قولت لها المفروض امك ما تقول هذا الكلام لانة احنا من اسبوع مرتب موعدنا علي هذا اليوم
وما قدرت استحمل فتحت موضوع الذهب والشبكة والشغاله وقعدت تبكي
قولتها عيب عيب الكلام الا صدر منك
هدا الكلام واحنا لساع بعد اول اسبوع من الشبكة
وانا مطنشها وهيا مطنشه الي الان ما اتصلت
المهم دحين ايش رائكم شخصيتها؟
وما الحل ؟
ارجو الرد
التعديل الأخير تم بواسطة شقـردية ; 30-11-2012 الساعة 05:36 PM
23-11-2012, 10:50 AM
ضوابط المشاركة
العرض الشجري